ரஜினியை வம்புக்கிழுத்த பிரபல இயக்குனருக்கு வெங்கட்பிரபு பதிலடி
- IndiaGlitz, [Wednesday,June 15 2016]
பிரபல இயக்குனர் ராம்கோபால் வர்மா தனது சமூக வலைத்தளத்தில் அவ்வப்போது சர்ச்சைக்குரிய கருத்துக்களை தெரிவித்து வாங்கிக்கட்டி கொள்வது என்பது வழக்கமாக நடைபெறும் நிகழ்வுதான். இம்முறை அவர் பாலிவுட் சூப்பர் ஸ்டார் அமிதாப்பையும் நமது சூப்பர் ஸ்டார் ரஜினியையும் வம்புக்கு இழுத்துள்ளார்.
சமீபத்தில் வெளியான அமிதாப்பின் Te3n திரைப்படத்தில் ரஜினிகாந்த் நடித்திருந்தால் வெகுசுமாராகவே இருந்திருக்கும். அதேபோல் ரஜினிகாந்த் நடித்து வரும் ரோபோ படத்தில் அமிதாப் நடித்தால் இன்னும் சிறப்பாக இருக்கும். ரஜினி Te3n படத்தில் நடித்திருந்தால் அது 1. இதுவே அமிதாப் ரோபோவில் நடித்தால் அது 100. இந்த கருத்தை ரஜினியும் ஏற்றுக்கொள்வார் என நம்புகிறேன்' என்று கூறியிருந்தார்.
ராம்கோபால் வர்மாவின் இந்த கருத்துக்கு ரஜினி ரசிகர்கள் பலர் கண்டனம் தெரிவித்து வரும் நிலையில் ரஜினியின் தீவிர ரசிகரும் பிரபல இயக்குனருமாகிய வெங்கட்பிரபு தனது சமூக வலைத்தளத்தில், 'சார், உங்களால் மட்டுமே ஷோலே போன்ற படத்தை ஃபிளாப் ஆக்க முடியும். ஆனால் எங்கள் சூப்பர் ஸ்டார் Te3n படத்தில் நடித்திருந்தாலும் சாதனை படைத்திருப்பார்' என்று பதிலடி கொடுத்துள்ளார்.