தமிழ் திரையுலகின் முன்னணி இயக்குனர்களில் ஒருவரான வெங்கட் பிரபுவின் மகள் திரையுலகில் அறிமுகமாகி உள்ளதாக அறிவிக்கப்பட்டுள்ளது. இதையடுத்து அவருக்கு வாழ்த்துக்கள் குவிந்து வருகிறது.

இசைஞானி இளையராஜா மற்றும் கங்கை அமரன் குடும்பத்தைச் சேர்ந்த பலர் தற்போது திரையுலகில் ஜொலித்து வருகின்றனர் என்பது தெரிந்ததே. யுவன்ஷங்கர் ராஜா, கார்த்திக் ராஜா, பவதாரிணி, வெங்கட் பிரபு, பிரேம்ஜி ஆகியோர் திரையுலகில் உள்ளனர். அந்த வகையில் வெங்கட் பிரபு தற்போது இயக்கியுள்ள ’கஸ்டடி’ என்ற திரைப்படம் வரும் மே மாதம் ரிலீஸ் ஆக உள்ள நிலையில் இந்த படத்தில் வெங்கட்பிரபுவின் மகள் அறிமுகமாகிறார்.

’கஸ்டடி’ படத்தின் போஸ்ட் புரொடக்ஷன் பணிகள் இறுதி கட்டத்தில் உள்ள நிலையில் இந்த படத்தில் வெங்கட் பிரபுவின் மகள் ஸ்ரீ ஷிவானி ஒரு பாடலை எழுதியுள்ளதாக தற்போது அறிவிக்கப்பட்டுள்ளது. வெங்கட் பிரபுவின் மகள் ஸ்ரீ ஷிவானி ஏற்கனவே 5 வயதாக இருக்கும் போது ’தாய்’ என்ற ஆல்பத்தில் பாடல்கள் பாடியுள்ளார் என்பது குறிப்பிடத்தக்கது.
இந்த நிலையில் ’கஸ்டடி’ திரைப்படம் மூலம் பாடலாசிரியராக வெங்கட் பிரபுவின் மகள் ஸ்ரீ ஷிவானி எழுதிய பாடல் வரும் 10ஆம் தேதி ரிலீஸாகும் என அறிவிக்கப்பட்டுள்ளது.

இந்த பாடல் வரிகள் காவல் துறையை கொண்டாடும் விதமாக அமைக்கப்பட்டுள்ளது. கொண்டாட்ட்டம் மற்றும் துள்ளலான டான்ஸ் பாடலுக்கு ஷிவானி பாடல் வரிகள் எழுதியுள்ளார். இளம் வயதில் பாடலாசிரியராக அறிமுகம் ஆகும் ஷிவானிக்கு வாழ்த்துக்கள் குவிகின்றன.