பிப்ரவரி 28 முதல் ஏரியா மாறுகிறார் வெங்கட்பிரபு
- IndiaGlitz, [Monday,February 22 2016]
வெங்கட்பிரபு இயக்கிய முதல்படமான 'சென்னை 600 028 திரைப்படம் சூப்பர் ஹிட் ஆகியவதை அடுத்து அதே படத்தில் நடித்த சிவா, ஜெய், வசந்த், உள்பட அனைவரையும் வைத்து இந்த படத்தின் இரண்டாம் பாகம் எடுக்க அவர் திட்டமிட்டிருந்தார் என்பதை ஏற்கனவே பார்த்தோம்.
இந்நிலையில் இந்த படத்தின் ஆரம்பகட்ட பணிகளை கடந்த சில வாரங்களாக கவனித்து வந்த வெங்கட்பிரபு தற்போது இந்த படத்தின் ஃபர்ஸ்ட்லுக்கை பிப்ரவரி 28ஆம் தேதியன்று வெளியிட்டு அன்றே படப்பிடிப்பை தொடங்க திட்டமிட்டுள்ளதாக செய்திகள் வெளிவந்துள்ளது.
யுவன்ஷங்கர் ராஜா இசையமைக்கும் இந்த படத்தை வெங்கட்பிரபுவின் 'பிளாக்டிக்கெட்' நிறுவனம் தயாரிக்கவுள்ளதாக கூறப்படுகிறது. இந்த படத்தின் இரண்டாம் பாகத்திற்கு அவர் சென்னை 600 029 என்ற டைட்டிலை தேர்வு செய்திருப்பதாகவும், முதல் பாகத்தில் இருந்த 600028 என்ற ஏரியாவை அவர் இரண்டாவது பாகத்திற்கு 600029 என்ற ஏரியாவுக்கு மாற்றியிருப்பதாகவும் கூறப்படுகிறது.