'கபாலி'க்காக விடுமுறை அறிவித்த முன்னணி இயக்குனர்
- IndiaGlitz, [Tuesday,July 19 2016]
சூப்பர் ஸ்டார் ரஜினிகாந்த் அவர்களுக்கு கோலிவுட் திரையுலகில் பெரிய நடிகர்கள் முதல் சிறிய நடிகர்கள் வரையிலும், டெக்னீஷியன் லெவலில் இயக்குனர்கள் முதல் லைட்பாய்கள் வரையிலும் ரசிகர்கள் உள்ளனர். வரும் வெள்ளியன்று வெளியாகவுள்ள 'கபாலி' படத்தின் முதல்நாள் முதல் காட்சியை பார்க்க ரசிகர்களை போலவே கோலிவுட் பிரபலங்களும் மிகுந்த ஆர்வத்தில் உள்ளனர்.
இந்நிலையில் பிரபல இயக்குனர் வெங்கட்பிரபு தனது தயாரிப்பு நிறுவனம் 'பிளாக் டிக்கெட்' நிறுவனத்தின் ஊழியர்களுக்கு வரும் 23ஆம் தேதி விடுமுறை என்று அறிவித்துள்ளார். தலைவர் ரஜினியின் 'கபாலி' படத்தை முதல் நாளில் பார்க்கும் வசதிக்காக இந்த விடுமுறை அளிக்கப்பட்டுள்ளதாக அவர் தனது சமூக வலைத்தளத்தில் தெரிவித்துள்ளார்
ரஜினியின் தீவிர ரசிகர்களில் வெங்கட்பிரபுவும் ஒருவர் என்பது தெரிந்ததே. எனவே அவர் 'கபாலி' ரிலீஸ் தினத்தில் வெளியிட்டுள்ள விடுமுறை அறிவிப்பில் எந்தவித வியப்பும் இல்லை என்பது குறிப்பிடத்தக்கது.