இளையதளபதி விஜய் நடித்த 'தெறி' படத்தின் ஸ்டண்ட் இயக்குனர் திலீப் சுப்பராயன், 'சங்குச்சக்கரம்' என்ற படத்தில் முக்கிய வேடத்தில் நடித்து வருகிறார் என்பதை ஏற்கனவே பார்த்தோம். இந்நிலையில் இந்த படத்தின் டீசர் வெளியீடு குறித்த அதிகாரபூர்வ அறிவிப்பு தற்போது வெளிவந்துள்ளது.

'திலீப் சுப்பராயன் முக்கிய வேடத்தில் நடிக்கும் இந்த படத்தில் 'பசங்க' புகழ் நிஷேஷ் உள்பட 10 குழந்தை நட்சத்திரங்கள் இந்த படத்தில் நடிக்கின்றனர். இந்த படத்தின் படப்பிடிப்பு இறுதிக்கட்டத்தில் உள்ளது. இந்நிலையில் இந்த படத்தின் டீசர் இன்று இரவு 8 மணிக்கு 'சென்னை 600028' சகோதரர்கள் வெங்கட்பிரபு மற்றும் பிரேம்ஜி தங்களுடைய சமூக வலைத்தள பக்கத்தில் வெளியிடுகின்றனர்.

பிரபல இயக்குனர் பி.வாசுவின் உதவியாளர் மாரீசன் இயக்கியுள்ள இந்த படத்திற்கு விஷால் சந்திரசேகர் இசையமைத்துள்ளார். கண்ணன் ஒளிப்பதிவும், விஜய்வேலுக்குட்டி படத்தொகுப்பும் செய்துள்ள இந்த படத்தின் ஸ்டண்ட் இயக்குனராகவும் திலீப் சுப்பராயன் பணிபுரிந்துள்ளார் என்பது குறிப்பிடத்தக்கது.