வெங்கட்பிரபுவின் புதிய அவதாரம்
- IndiaGlitz, [Tuesday,July 19 2016]
பிரபல இயக்குனர் வெங்கட்பிரபு இயக்கி வரும் 'சென்னை 600028' படத்தின் படப்பிடிப்பு இறுதிக்கட்டத்தில் உள்ள நிலையில் இந்த படத்திற்காக யுவன்ஷங்கர்ராஜா ஆறு பாடல்களை கம்போஸ் செய்துள்ளார். இந்த பாடல்களில் ஒரு முக்கிய பாடலை இயக்குனர் வெங்கட்பிரபுவே எழுதியுள்ளதாக தகவல்கள் வெளிவந்துள்ளது.
'16 வயதினிலே' படத்தில் இடம்பெற்ற 'செந்தூரப் பூவே' உள்பட பல பாடல்களை கங்கை அமரன் எழுதியுள்ள நிலையில் அவரது மகன் வெங்கட்பிரபு இந்த படத்தின் மூலம் பாடலாசிரியராக அறிமுகமாகியுள்ளார் என்பது குறிப்பிடத்தக்கது.
ஜெய், சிவா, பிரேம்ஜி அமரன், நிதின் சத்யா, விஜய் வசந்த், வைபவ் ரெட்டி, மகத், விஜயலட்சுமி உள்ளிட்ட முதல் பாகத்தில் நடித்த பலரும் இந்த இரண்டாவது பாகத்திலும் நடித்துள்ளனர். வெங்கட்பிரபுவின் பிளாக் டிக்கெட் கம்பெனி தயாரிக்கும் இந்த படத்திற்கு ராஜேஷ் யாதவ் ஒளிப்பதிவும், ப்ரவீண் கே.எல் படத்தொகுப்பு பணியும் செய்கின்றனர். இந்த படத்தின் பாடல்கள் வரும் ஆகஸ்ட் மாதம் திரைக்கு வரும் என எதிர்பார்க்கப்படுகிறது.