தமிழ் திரையுலகின் முன்னணி இயக்குனர்களில் ஒருவராகிய வெங்கட்பிரபுவின் அடுத்த படைப்பான 'பார்ட்டி' படத்தின் படப்பிடிப்பு கடந்த சில நாட்களாக பிஜீ தீவில் விறுவிறுப்பாக நடைபெற்று வருவது தெரிந்ததே. 'அம்மா கிரியேஷன்ஸ்' T சிவா தயாரித்துவரும் இந்த படத்தில் முக்கிய வேடத்தில் சத்யராஜ் நடித்து வருகிறார்

'பாகுபலி', 'பாகுபலி 2' படத்திற்கு பின்னர் சத்யராஜின் நடிப்புக்கு தீனி போடும் வகையில் அவரது கேரக்டர் உருவாக்கப்பட்டிருப்பதாகவும், அவரது இளமை துள்ளல் இந்த படத்திலும் வெளிப்பட்டிருப்பதாகவும், அவரது நடிப்பை பார்த்து ஒட்டுமொத்த படக்குழுவும் அசந்து போயிருப்பதாகவும் செய்திகள் வெளிவந்துள்ளது. 40 நாள் தொடர்ச்சியான படப்பிடிப்பை முடித்துவிட்டு சத்யராஜ் இன்று சென்னை திரும்பியுள்ளார் என்பது குறிப்பிடத்தக்கது.

வெங்கட் பிரபு-T சிவா கூட்டணி ஏற்கனவே 'சரோஜா' என்ற மாபெரும் வெற்றி படத்தை தந்துள்ள நிலையில் இந்த 'பார்ட்டி' படத்திலும் அந்த வெற்றி தொடரும் என எதிர்பார்க்கப்படுகிறது.