கடந்த ஜனவரி மாதம் வெளியான 'மன்னார் வகையறா' படத்தின் வெற்றியால் மீண்டும் புத்துணர்ச்சி பெற்றுள்ள நடிகர் விமல், தற்போது சற்குணம் இயக்கத்தில் 'களவாணி 2 மற்றும் முத்துகுமரன் இயக்கும் கன்னிராசி ஆகிய படங்களில் நடித்து வருகிறார்.

இந்த நிலையில் தற்போது பிரபல இயக்குனர் சுராஜ் இயக்கவுள்ள அடுத்த படத்தில் விமல் நடிக்கவுள்ளார். இந்த படத்தில் விமலுடன் வடிவேலு முக்கிய கேரக்டரில் நடிக்கவுள்ளதாகவும், இருவரும் இந்த படத்தில் போலீஸ் கேரக்டரில் நடிக்கவுள்ளதாகவும் செய்திகள் வெளிவந்துள்ளது.

காமெடி காட்சிகளுக்கு முக்கியத்துவம் கொடுக்கப்படும் இந்த படத்தில் விமல், வடிவேலு போலீஸ் காட்சிகள், அர்ஜூன் மற்றும் வடிவேலு நடித்த 'மருதமலை' காமெடி காட்சிகளுக்கு இணையாக இருக்கும் என்று கூறப்படுகிறது.

இந்த படத்தில் நடிக்கும் நாயகி உள்பட மற்ற நடிகர், நடிகையர் தேர்வு நடைபெற்று வருவதாகவும், விரைவில் இந்த படத்தின் அதிகாரபூர்வ அறிவிப்பு வெளிவரும் என்றும் கூறப்படுகிறது.