మెగాప్రిన్స్ వరుణ్ తేజ్, పూజా హెగ్దే నటీనటులుగా హరీశ్ శంకర్ తెరకెక్కించిన చిత్రం ‘గద్దలకొండ గణేశ్’. ఇప్పటికే విడుదలైన ఈ చిత్రం సూపర్ డూపర్‌ హిట్‌ను సొంతం చేసుకుంది. ఈ చిత్రంలోని ‘ఎల్లువొచ్చి గోదారమ్మా’ సాంగ్ అందర్నీ ఆకట్టుకుంది. అంతేకాదండోయ్.. కొందరైతే ఈ పాటకోసం సినిమాకెళ్లారంటే అర్థంచేస్కోండి. సినిమా రిలీజ్‌కు వన్ మినిట్ సాంగ్‌ను రిలీజ్ చేసిన చిత్రబృందం.. తాజాగా పూర్తి పాటను విడుదల చేసింది. రిలీజ్ చేసిన ఒక్కరోజులోనే యూ ట్యూబ్‌ను షేక్ చేసింది. ఒకే ఒక్కరోజులోనే మిలియన్ వ్యూస్ సంపాదించుకోవడం విశేషమని చెప్పుకోవచ్చు. అంతేకాదు.. ప్రస్తుతం ఈ సాంగ్ ట్రెండింగ్‌లో దూసుకెళ్తోంది.

కాగా.. గతంలో శోభన్ బాబు -శ్రీదేవి జంటగా నటించిన ‘దేవత’ సినిమా నుంచి ‘ఎల్లువొచ్చి గోదారమ్మా’ సాంగ్‌ను గద్దలకొండ గణేష్ సినిమాలో రీమేక్ చేశారు. అయితే.. అప్పట్లో ఈ పాటను చక్రవర్తి స్వరపరచారు. అప్పటికీ ఇప్పటికీ ఈ సాంగ్‌ ఎవర్‌గ్రీనే. ఒక్క మాటలో చెప్పాలంటే అందాల శోభన్ బాబు కెరియర్లోనే హిట్ సాంగ్‌గా నిలిచిపోయింది. అయితే ఇప్పుడు ఇదే సాంగ్‌ రీమేక్ చేయగా.. పాత సాంగ్ రేంజ్‌ను చేరుకోలేదు కానీ.. చిత్రబృందం ఆశించిన స్థాయికైతే వెళ్లింది. కాగా.. పూజా హెగ్డేను గ్లామరస్‌గా ఉండటం.. ఆ అందాన్ని హరీశ్ శంకర్ క్యాచ్ చేసి చూపించడంతో కుర్రకారు ఈ వీడియో సాంగ్‌ను చూడటానికి ఇష్టపడుతున్నారని.. అందుకే ఇన్ని వ్యూస్ వచ్చాయని తెలుస్తోంది. అయితే మున్ముంథు ‘ఎల్లువొచ్చి గోదారమ్మా’ ఎన్నెన్ని రికార్డ్‌లు సొంతం చేసుకుందో వేచి చూడాలి మరి.