ஒரு திரைப்படம் வெளியாகும் முன்னர் படக்குழுவினர்களை தவிர அந்த படத்தை பார்ப்பது சென்சார் அதிகாரிகள் மட்டுமே. பொதுவாக சென்சார் அதிகாரிகள் தங்கள் கடமையின் பொருப்பு கருதி படத்தை விமர்சனம் செய்வதோ, படம் குறித்த கருத்துக்களை தெரிவிப்பதோ கிடையாது. ஒரு அதிகாரியாகத்தான் படத்தை பார்ப்பார்கள்

அந்த வகையில் சமீபத்தில் சிவகார்த்திகேயனின் 'வேலைக்காரன்' படத்தையும் பார்த்த சென்சார் அதிகாரிகள் அந்த படத்திற்கு 'யூ' சான்றிதழ் கொடுத்தது தெரிந்ததே. இந்த நிலையில் சென்சார் அதிகாரிகள் இந்த படத்தில் இடம்பெற்றுள்ள வலுவான சமூக கருத்துகளுக்காக படக்குழுவினர்களை பாராட்டியுள்ளதாக தகவல்கள் வெளிவந்துள்ளது.

இந்த பாராட்டு படக்குழுவினர்களை உற்சாகமடைய செய்திருப்பதாகவும், சென்சார் அதிகாரிகளுக்கு பிடித்தது போலவே நிச்சயம் சிவகார்த்திகேயன் ரசிகர்களுக்கும், நடுநிலை ஆடியன்ஸ்களுக்கும் இந்த படம் பிடிக்கும் என்றும் நம்பிக்கை தெரிவித்துள்ளனர். 'வேலைக்காரன்' திரைப்படம் வரும் 22ஆம் தேதி உலகம் முழுவதும் வெளியாகவுள்ளது என்பது குறிப்பிடத்தக்கது.