2வது வாரத்திலும் விறுவிறுப்பான வசூல் வேட்டையில் வேலைக்காரன்
- IndiaGlitz, [Monday,January 08 2018]
சிவகார்த்திகேயன், நயன்தாரா நடிப்பில் மோகன்ராஜா இயக்கிய 'வேலைக்காரன்' திரைப்படம் கடந்த டிசம்பர் 22ஆம் தேதி பெரும் எதிர்பார்ப்புடன் வெளிவந்து ஊடகங்கள் மற்றும் விமர்சகர்களின் பாசிட்டிவ் ரிசல்ட்டை பெற்றது. இந்த படத்தின் ஓப்பனிங் வசூல் கோலிவுட்டின் முன்னணி நட்சத்திரங்களின் ஓப்பனிங் வசூலை நெருங்கியது என்பதும் குறிப்பிடத்தக்கது.
இந்த நிலையில் கடந்த வாரம் பெரிய படங்கள் எதுவும் வெளியாகாததால் இரண்டாவது வாரத்திலும் 'வேலைக்காரன்' நல்ல வசூலை பெற்றது. கடந்த வாரயிறுதி நாட்களில் சென்னையில் இந்த படம் 17 திரையரங்குகளில் 202 காட்சிகள் திரையிடப்பட்டு ரூ. 59,17,432 வசூல் செய்தது. மேலும் திரையரங்குகளில் 70% பார்வையாளர்கள் இருந்தனர் என்பதும் குறிப்பிடத்தக்கது.
மேலும் இந்த படம் வெளியான டிசம்பர் 22ஆம் தேதியில் இருந்து நேற்று ஜனவரி 7 வரையிலான நாட்களில் சென்னையில் மட்டும் ரூ.8,62,29,563 வசூல் செய்துள்ளது. இன்னும் ஒரிரு நாட்களில் இந்த படத்தின் வசூல் ரூ.10 கோடியை நெருங்கிவிடும் என்று எதிர்பார்க்கப்படுகிறது.