சிவகார்த்திகேயன், நயன்தாரா நடிப்பில் மோகன்ராஜா இயக்கிய 'வேலைக்காரன்' திரைப்படம் கடந்த 22ஆம் தேதி வெளியாகி ஊடகங்கள் மற்றும் விமர்சகர்களின் பாசிட்டிவ் விமர்சனங்களை பெற்றது. 

இந்த நிலையில் இந்த படத்தின் ஓப்பனிங் வசூல் இதுவரை இல்லாத அளவில் சிவகார்த்திகேயனின் பெஸ்ட் ஓப்பனிங் என்று கூறும் வகையில் இருந்தது. சென்னை உள்பட தமிழகத்தின் அனைத்து பகுதிகளிலும் இந்த படத்திற்கு எதிர்பார்த்ததைவிட அதிக வசூல் கிடைத்துள்ளதாக விநியோகிஸ்தர்கள் தரப்பில் இருந்து செய்திகள் வந்து கொண்டிருக்கின்றது.

இந்த நிலையில் இந்த படம் கடந்த நான்கு விடுமுறை நாட்களில் தமிழகம் முழுவதும் ரூ.29 கோடி வசூல் செய்துள்ளதாக தகவல்கள் வெளிவந்துள்ளது. சென்னையில் ரூ.3.82 கோடியும், செங்கல்பட்டு பகுதியில் ரூ.7.85 கோடியும், கோவையில் ரூ.4.94 கோடியும், திருச்சி-தஞ்சை பகுதியில் ரூ.3.18 கோடியும் வசூல் செய்துள்ளது. 

அதுமட்டுமின்றி இந்த படம் கேரளாவில் ரூ.65 லட்சம் வசூலாகியுள்ளது என்பதும் குறிப்பிடத்தக்கது. மேலும் கர்நாடகாவில் ரூ.1.54 கோடியும், வெளிநாடுகளில் ரூ.7 கோடியும் வசூல் செய்துள்ளது. மொத்தத்தில் இந்த படம் உலகம் முழுவதும் 4 நாட்களில் ரூ.40 கோடி வசூல் செய்துள்ளது என்பது குறிப்பிடத்தக்கது