'வேலைக்காரன்' இசை வெளியீடு தேதியை அறிவித்த அனிருத்
- IndiaGlitz, [Saturday,November 25 2017]
சிவகார்த்திகேயன், நயன்தாரா நடிப்பில் மோகன்ராஜா இயக்கிய 'வேலைக்காரன்' திரைப்படம் வரும் டிசம்பர் 22ஆம் தேதி வெளியிட அனைத்து ஏற்பாடுகளும் தயார் நிலையில் உள்ளது. இந்த நிலையில் இந்த படத்தின் இசை வெளியீட்டு தேதியை இசையமைப்பாளர் அனிருத் அதிகாரபூர்வமாக வீடியோ செய்தி ஒன்றின் மூலம் அறிவித்துள்ளார்.
இந்த படத்தின் பாடல்கள் வரும் டிசம்பர் 3ஆம் தேதி வெளிவரவுள்ளதாக அவர் தெரிவித்துள்ளார். அந்த வீடியோவில் அவர் கூறியிருப்பதாவது, 'வேலைக்காரன் படத்தின் சிங்கிள் பாடல்களாக வெளிவந்த 'கருத்தவனெல்லாம் கலீஜா மற்றும் 'இறைவா' பாடல்களுக்கு நல்ல வரவேற்பு கொடுத்த ரசிகர்களுக்கு எனது நன்றிகள். இந்த நிலையில் இந்த படத்தின் முழு ஆல்பம் டிசம்பர் 3ஆம் தேதி வெளியாகவுள்ளது. சிங்கிள் பாடல்களுக்கு கொடுத்த வரவேற்பை அனைத்து பாடல்களுக்கும் தருவீர்கள் என்று நம்புகிறேன்' என்று கூறியுள்ளார்.
இசை வெளியீடு நடைபெறும் இடம், நேரம் குறித்த தகவல்கள் மிக விரைவில் தயாரிப்பு நிறுவனத்தால் அறிவிக்கப்படும் என்று கூறப்படுகிறது.
#VelaikkaranAlbumFromDec3 :)@Siva_Kartikeyan @jayam_mohanraja @24AMSTUDIOS pic.twitter.com/FiN9YhejtF
— Anirudh Ravichander (@anirudhofficial) November 24, 2017