விக்ரமின் அடுத்த படம் குறித்த முக்கிய அறிவிப்பு
- IndiaGlitz, [Friday,October 09 2015]
விஜய் மில்டன் இயக்கத்தில் விக்ரம், சமந்தா நடித்த '10 எண்றதுக்குள்ள' படம் வரும் 21ஆம் தேதி பிரமாண்டமாக ரிலீஸ் ஆகவுள்ள நிலையில், விக்ரம் நடிக்கவுள்ள அடுத்த படத்தின் படப்பிடிப்பு வரும் நவம்பர் முதல் வாரத்தில் தொடங்கும் என எதிர்பார்க்கப்படுகிறது.
அரிமா நம்பி' இயக்குனர் ஆனந்த் ஷங்கர் இயக்கவுள்ள இந்த படத்தில் விக்ரம் நடிக்கவுள்ளதாகவும், இந்த படத்தை ஐங்கரன் நிறுவனம் தயாரிக்கவுள்ளதாகவும் கூறப்படுகிறது. இந்த படத்தை முதலில் கலைப்புலி எஸ்.தாணு தயாரிக்க இருந்ததாகவும், பின்னர் தற்போது ஐங்கரன் தயாரிக்கவுள்ளதாகவும் செய்திகள் கூறுகின்றன.
விக்ரம், காஜல் அகர்வால், பிந்துமாதவி, மற்றும் பலர் நடிக்கவுள்ள இந்த படத்திற்கு 'மர்ம மனிதன்' என்ற டைட்டில் வைக்கப்பட்டுள்ளதாகவும், இந்த படத்திற்கு அனிருத் இசையமைக்கவுள்ளதாகவும் கூறப்படுகிறது. இந்த படத்தின் அதிகாரபூர்வ அறிவிப்பு விரைவில் வெளிவரவுள்ளது.