'வீட்டுக்கு வீடு வாசப்படி' சீரியல் நடிகர், நடிகைக்கு திருமணமா? ஹல்தி கொண்டாட்ட புகைப்படங்கள்..!
- IndiaGlitz, [Monday,May 13 2024]
விஜய் டிவி யில் புதிதாக தொடங்கிய ’வீட்டுக்கு வீடு வாசப்படி’ என்ற சீரியலில் நடிக்கும் நடிகருக்கும் நடிகைக்கும் திருமணம் என்றும் அது குறித்த புகைப்படங்கள் இணையத்தில் வைரல் ஆகி வருவது பரபரப்பை ஏற்படுத்தி உள்ளது.
விஜய் டிவியில் கடந்த மாதம் ’வீட்டுக்கு வீடு வாசப்படி’ என்ற சீரியல் தொடங்கப்பட்டது என்பதும் இந்த சீரியலில் ’ஈரமான ரோஜாவே’ நாயகன் திரவியம் நாயகனாக நடித்து வருகிறார் என்பதும் இந்த சீரியல் ஒரு ஹிட்டான ஹிந்தி சீரியலின் தமிழ் ரீமேக் என்பது குறிப்பிடத்தக்கது.
3 சகோதரர்களை பற்றிய கதை அம்சம் கொண்ட இந்த சீரியலில் திரவியம் , சுகேஷ் , கண்ணன் ஆகிய மூவரும் அண்ணன் தம்பிகளாக நடித்து வரும் நிலையில் சுகேஷ் ஜோடியாக ஆர்த்தி சுபாஷ் என்பவர் நடித்து வருகிறார் .
இந்த நிலையில் சுகேஷ் - ஆர்த்தி சுபாஷ் இருவரும் ஜோடியாக ஹல்தி கொண்டாட்ட புகைப்படங்களை வெளியிட்டு இருப்பதால் இருவருக்கும் திருமணமா? என்ற கேள்வி எழுந்துள்ளது. ஆனால் ’வீட்டுக்கு வீடு வாசப்படி’ சீரியலில் தான் இருவருக்கும் திருமணம் என்றும் அது குறித்த ஹல்தி புகைப்படங்களை தான் இருவரும் தங்களது சமூக வலைதளங்களில் பதிவு செய்துள்ளார்கள் என்பதும் தெரிய வந்துள்ளது.
ஏற்கனவே படப்பிடிப்பில் நடந்த பல திருமண புகைப்படங்களை நிஜ திருமண புகைப்படங்கள் போல் ஒரு சிலர் பதிவு செய்து வரும் நிலையில் தற்போது இந்த ’வீட்டுக்கு வீடு வாசப்படி’ சீரியல் நட்சத்திரங்களின் ஹல்தி கொண்டாட்ட புகைப்படங்களும் வைரல் ஆகி வருகிறது என்பதை குறிப்பிடத்தக்கது.