அஜித் நடித்த ’வீரம்’ படத்தின் ஹிந்தி ரீமேக் உருவாகி வருகிறது என்றும் அஜித் வேடத்தில் சல்மான் கான், தமன்னா வேடத்தில் பூஜா ஹெக்டே நடித்து வருகின்றனர் என்ற செய்தியை ஏற்கனவே பார்த்தோம்.

‘Kisi Ka Bhai Kisi Ki Jaan’ என்ற டைட்டில் வைக்கப்பட்டுள்ள இந்த படத்தின் டீசர் சற்று முன் வெளியாகி உள்ள நிலையில் ’வீரம்’ படத்திற்கும் இந்த படத்திற்கும் கொஞ்சம் கூட சம்பந்தமே இல்லையே, எப்படி இதை ’வீரம்’ படத்தின் ரீமேக் என்று சொல்கிறார்கள் என ரசிகர்கள் கேள்வி எழுப்பி வருகின்றனர்.

’வீரம்’ படத்தில் அஜித் முழுக்க முழுக்க கிராமத்து கெட்டப்பில் வந்த நிலையில் அதற்கு சம்பந்தமே இல்லாத ஒரு கெட்டப்பில் சல்மான்கான் இந்த படத்தில் தோன்றுகிறார். ஏற்கனவே சமீபத்தில் ’கைதி’ படத்தின் ஹிந்தி ரீமேக் டீசர் வெளியாகி நெட்டிசன்கள் அதிருப்தி அடைந்த நிலையில் தற்போது ’வீரம்’ படத்தின் ரீமேக் பட டீசரை சல்லி சல்லியாய் கமெண்ட்ஸ்கள் மூலம் நொறுக்கி வருகின்றனர்.