Click here for 'Vedhalam' Movie Gallery

அஜீத் நடித்த 'வேதாளம்' திரைப்படத்தின் டீசர் மற்றும் பாடல்கள் அஜீத் ரசிகர்கள் உள்பட அனைவரையும் கவர்ந்த நிலையில், இந்த படம் தீபாவளிக்கு ரிலீஸ் ஆவது உறுதியாகியுள்ளது. இந்நிலையில் ஒவ்வொரு வியாழக்கிழமையும் இந்த படம் குறித்த தகவல்கள் வெளியாகி வரும் நிலையில் இன்று இந்த படத்தில் இடம் பெற்று பெரும் வரவேற்பை பெற்ற 'ஆலுமா டோலுமா' பாடல் உருவாக்கிய விதம் குறித்த வீடியோ ஒன்று வெளியாகவிருப்பதாக கூறப்படுகிறது.

அனிருத் மற்றும் பாலிவுட் பாட்ஷா பாடியுள்ள இந்த பாடல் ரிகார்டிங் செய்தபோது எடுக்கப்பட்ட வீடியோவும், ஆலுமா டோலுமா பாடல் காட்சிகளும் அடங்கிய 'மேக்கிங் ஆப் ஆலுமா டோலுமா" என்ற இந்த வீடியோ இன்று இரவு 7 மணிக்கு ரிலீஸ் ஆகவுள்ளதாக செய்திகள் வெளிவந்துள்ளது.

விஜயதசமி விடுமுறையில் இருக்கும் ரசிகர்கள் இந்த வீடியோவை வரவேற்க இப்போதே தயாராகியுள்ளனர். டீசர், பாடல்கள் போல் இந்த வீடியோவும் டிரெண்டில் வரும் என எதிர்பார்க்கப்படுகிறது.