கோலிவுட் ரசிகர்களுக்கு கபீர்சிங் என்ற நடிகர் ஒருவர் இருக்கின்றார் என்பதே தெரியாமல் இருந்த நிலையில் அஜித்தின் 'வேதாளம்' என்ற ஒரே ஒரு படத்தில் நடித்ததன் மூலம் கிட்டத்தட்ட தமிழகம் முழுவதும் பிரபலமாகிவிட்ட நடிகராக மாறிவிட்டார். மீண்டும் அஜித்துடன் நடிக்க ஆவலுடன் இருப்பதாக அவ்வப்போது பேட்டியில் தெரிவித்து கொண்டிருந்த கபீர்சிங் அவர்களுக்கு தற்போது அப்படியொரு வாய்ப்பு கிடைத்துள்ளது.

இளையதளபதி விஜய் ரசிகர்கள் இணைந்து '3 ரசிகர்கள்' என்ற ஒரு திரைப்படத்தை உருவாக்கியது போல தல அஜித் ரசிகர்கள் இணைந்து உருவாக்கவுள்ள திரைப்படம் 'தல போல வருமா' இந்த படத்தில் வில்லனாக கபீர்சிங் நடிக்கவுள்ளார்.

அஜித்தின் ரசிகர் கேஎம் தேஜாஸ் முக்கிய வேடத்தில் நடிக்கும் இந்த படத்தை அஜித் ரசிகர்களான சுராஜ் என்பவர் இயக்கவுள்ளார். இந்த படத்திற்கு குணசீலன் ஒளிப்பதிவு செய்கிறார்

இந்த படத்தில் நடிப்பது மீண்டும் அஜித்துடன் நடிப்பதை போன்றே உணர்வதாக கபீர்சிங் கூறியுள்ளார்.