'వేదాళమ్' రీమేక్ అంటే..'ఊసరవెల్లి' ని మళ్లీ తీయడమే
- IndiaGlitz, [Tuesday,November 24 2015]
దీపావ‌ళి కానుకగా విడుద‌లై త‌మిళ‌నాట క‌లెక్ష‌న్ల వ‌ర్షం కురిపిస్తున్న సినిమా 'వేదాళమ్'. అజిత్ హీరోగా నటించిన ఈ సినిమాని మొద‌ట 'ఆవేశం' పేరుతో డబ్బింగ్ చేయ‌డానికి ప్ర‌య‌త్నాలు జ‌రిగాయి. అయితే.. ఆ సినిమా బ్లాక్‌బ‌స్ట‌ర్ కావ‌డంతో.. ఇక్క‌డివారు రీమేక్ చేసే దిశ‌గా ప్ర‌య‌త్నాలు చేస్తున్నారు.
ఇక్క‌డ గ‌మ‌నించ‌ద‌గ్గ విష‌య‌మేమిటంటే.. 'వేదాళమ్'లోని మెయిన్ పాయింట్ ఎన్టీఆర్, త‌మ‌న్నా జంటగా నటించిన 'ఊసరవెల్లి' సినిమాకి ద‌గ్గ‌ర‌గా ఉండ‌డం. అంటే.. ఒక‌రి ప‌గ‌ని తన ప‌గ‌గా చేసుకుని హీరో పాత్ర‌ధారి దుష్టుల‌ను తుద‌ముట్టించ‌డం అన్న‌మాట. 'ఊసరవెల్లి'లో హీరోయిన్ పాత్ర‌ని.. 'వేదాళమ్'లో హీరో చెల్లెలు కాని చెల్లెలు పాత్ర‌గా మ‌లిచి.. ఇంకొన్ని మార్పులు చేసి జ‌నాల ముందుకు తీసుకొచ్చారు.
బాగా గ‌మ‌నిస్తే.. త‌మ‌న్నా పాత్ర డిజైన్‌కి.. ల‌క్ష్మీ మీన‌న్ పాత్ర డిజైన్‌కి కొన్ని పోలిక‌లుంటాయి. ఎన్టీఆర్ పాత్ర‌లాగే అజిత్ పాత్ర కూడా పాజిటివ్ ట‌ర్న్ తీసుకునే నెగెటివ్ క్యారెక్ట‌రే కావ‌డం మరో విశేషం. 'ఊసరవెల్లి' న్యూ వెర్ష‌న్ అయిన 'వేదాళమ్' కి ఫ‌స్టాఫ్ యావ‌రేజ్‌గా ఉన్నా.. సెకండాఫ్‌లో సెంటిమెంట్ బాగా పండ‌డంతో సినిమా బ్లాక్‌బ‌స్ట‌ర్ అయి కూర్చుంది. ఏదీ ఏమైనా.. 'వేదాళమ్' రీమేక్ అంటే.. 'ఊసరవెల్లి'ని మళ్లీ తీయడమే