உள்ளாட்சித் தேர்தலில் விஜய் மக்கள் இயக்கம் உறுப்பினர்கள் வெற்றி பெற்றதை அடுத்து அவர் அரசியலுக்கு வருவார் என்பதை கூற முடியாது என்றும் ஆனால் அதே நேரத்தில் விஜய் அரசியலுக்கு வந்தால் அவரை வரவேற்போம் என்றும் விடுதலை சிறுத்தைகள் கட்சியின் தலைவர் திருமாவளவன் அவர்கள் தெரிவித்துள்ளார்

சமீபத்தில் நடைபெற்று முடிந்த ஊரக உள்ளாட்சி தேர்தலில் விஜய் மக்கள் இயக்கத்தை சேர்ந்த 149 பேர் போட்டியிட்டார்கள் என்பதும் இவர்களின் 110 பேர் வெற்றிப் பெற்றார்கள் என்பதும் குறிப்பிடத்தக்கது. திமுக, அதிமுகவை அடுத்து அதிக அளவில் வெற்றி பெற்ற இயக்கம் விஜய் மக்கள் இயக்கம் தான் என்பது குறிப்பிடத்தக்கது

இந்த நிலையில் விஜய் மக்கள் இயக்கத்தின் வெற்றியை அடுத்து அடுத்து சட்டசபை தேர்தலில் விஜய் மக்கள் இயக்கம் அரசியல் கட்சியாக உருவாகி விஜய் போட்டியிடுவார் என்றும் அரசியல் வட்டாரங்கள் தெரிவித்து வருகின்றன

இந்த நிலையில் விடுதலை சிறுத்தைகள் கட்சியின் தலைவர் திருமாவளவன் அவர்கள் இன்று செய்தியாளர்களை சந்தித்தபோது விஜய் மக்கள் இயக்கத்தினர் ஊரக உள்ளாட்சி தேர்தலில் பெற்ற வெற்றி, விஜய்யின் அரசியல் வருகைக்கான ஒத்திகையாக பார்க்க முடியாது என்றும், ஆனால் அதே நேரத்தில் நடிகர் விஜய் அரசியலுக்கு வந்தால் விடுதலைச்சிறுத்தைகள் அதை வரவேற்போம் என்றும் தெரிவித்துள்ளார்

வரும் 2026ஆம் ஆண்டு நடைபெறவிருக்கும் சட்டமன்ற தேர்தலில் விஜய் மக்கள் இயக்கம் அரசியல் கட்சியாக உருவெடுத்து போட்டியிடுமா என்பதை பொறுத்திருந்து பார்ப்போம்.