Varun Tej Gallery

మెగా బ్ర‌ద‌ర్ నాగ‌బాబు త‌న‌యుడు వ‌రుణ్ తేజ్ న‌టించిన తాజా చిత్రం లోఫ‌ర్. డేరింగ్ అండ్ డాషింగ్ డైరెక్ట‌ర్ పూరి జ‌గ‌న్నాథ్ తెర‌కెక్కించిన లోఫ‌ర్ ఈనెల 17న ప్రేక్ష‌కుల ముందుకు వ‌చ్చేందుకు రెడీ అవుతుంది. ఈ చిత్రం కాకుండా వ‌రుణ్ తేజ్ నాలుగు క్రేజీ ప్రాజెక్ట్ ల‌కు గ్రీన్ సిగ్న‌ల్ ఇచ్చారు.ఇంత‌కీ ఆ నాలుగు క్రేజీ ప్రాజెక్ట్స్ ఏమిటంటే... వ‌రుణ్ కి కంచె సినిమాని అందించిన క్రిష్ డైరెక్ష‌న్ లో మ‌రో సినిమా చేయ‌నున్నాడు.

ప్ర‌స్తుతం స్ర్కిప్ట్ వ‌ర్క్ జ‌రుగుతోంది. త్వ‌ర‌లోనే ఈ సినిమా ప్రారంభం కానుంది. ఈ సినిమా త‌ర్వాత మ‌లినేని గోపీచంద్ ద‌ర్శ‌క‌త్వంలో వ‌రుణ్ తేజ్ ఓ సినిమా చేయ‌నున్నాడు. స్పోర్ట్స్ బ్యాక్ డ్రాప్ లో జ‌రిగే ఈ సినిమా వైవిధ్య‌మైన క‌థతో రూపొంద‌నుంది. ఈ రెండు చిత్రాల తర్వాత దిల్ రాజు నిర్మాణంలో నూత‌న ద‌ర్శ‌కుడు వెంకీ అట్లూరి ద‌ర్శ‌క‌త్వంలో వ‌రుణ్ తేజ్ న‌టించ‌నున్నాడు. ఈ సినిమాకి సంబంధించిన స్ర్కిప్ట్ వ‌ర్క్ కూడా స్పీడుగా జ‌రుగుతుంది. ఈ మూడు ప్రాజెక్ట్ లు కాకుండా దేవ క‌ట్టా డైరెక్ష‌న్ లో ఓ సినిమా చేయ‌నున్న‌ట్టు స‌మాచారం. ప్ర‌స్తుతం క‌థా చ‌ర్చ‌లు జ‌రుగుతున్నాయి. ఇలా..సంవ‌త్స‌రానికి రెండు సినిమాలు రిలీజ్ చేయాల‌ని ప‌క్కా ప్లాన్ తో డిఫ‌రెంట్ ప్రాజెక్ట్స్ చేస్తూ దూసుకెళుతున్న మెగా హీరో వ‌రుణ్ తేజ్ ఆల్ ద బెస్ట్.