వ‌రుణ్ తేజ్ - శ్రీను వైట్ల మూవీ ముహుర్తం..
- IndiaGlitz, [Tuesday,April 12 2016]
మెగా హీరో వ‌రుణ్ తేజ్ - శ్రీను వైట్ల కాంబినేష‌న్ లో ఓ చిత్రం రూపొందనున్న‌ద‌నే విష‌యం తెలిసిందే. ఈ చిత్రాన్ని న‌ల్ల‌మ‌ల‌పు బుజ్జి నిర్మిస్తున్నారు. ఆగ‌డు, బ్రూస్ లీ...ఈ రెండు వ‌రుస ప‌రాజ‌యాల త‌ర్వాత ఎలాగైనా స‌రే ఈసారి విజ‌యం సాధించాల‌నే ప‌ట్టుద‌ల‌తో శ్రీను వైట్ల క‌థ‌ను సిద్దం చేసారు. ప్ర‌స్తుతం ప్రీ ప్రొడ‌క్ష‌న్ వ‌ర్క్ జ‌రుపుకుంటున్న ఈ సినిమాని ఈనెల 27న ప్రారంభించ‌డానికి ముహుర్తం ఫిక్స్ చేసిన‌ట్లు స‌మాచారం.
ఈ చిత్రంలో వ‌రుణ్ తేజ్ స‌ర‌స‌న న‌టించే హీరోయిన్ ఎవ‌ర‌నేది ఇంకా ఫైన‌ల్ కాలేదు. తొలి చిత్రం నుంచి విభిన్న క‌థా చిత్రాల్లో న‌టిస్తున్న వ‌రుణ్ తేజ్ ఈ చిత్రంలో కూడా గ‌త చిత్రాల‌కు భిన్నంగా క‌నిపిస్తాడ‌ట.ఈ సినిమాకి సంబంధించిన పూర్తి వివ‌రాల‌ను ప్రారంభోత్స‌వం రోజు తెలియ‌చేయ‌నున్నారు.