ప్లాప్ డైరెక్టర్ కి గ్రీన్ సిగ్నల్ ఇచ్చిన వరుణ్...
- IndiaGlitz, [Wednesday,December 16 2015]
వరుణ్ తేజ్ న‌టించిన తాజా చిత్రం లోఫ‌ర్. పూరి జ‌గ‌న్నాథ్ తెర‌కెక్కించిన లోఫ‌ర్ చిత్రాన్ని సి.కళ్యాణ్ నిర్మించారు. ఈ చిత్రాన్ని రేపు ప్ర‌పంచ వ్యాప్తంగా రిలీజ్ చేస్తున్నారు. ఈ సినిమా త‌ర్వాత నాలుగు క్రేజీ ప్రాజెక్ట్స్ లైన్ లో పెట్టిన వరుణ్ తేజ్ మ‌రో సినిమాకి గ్రీన్ సిగ్నల్ ఇచ్చిన‌ట్టు స‌మాచారం. అయితే ఈసారి ప్లాప్ డైరెక్టర్ కి గ్రీన్ సిగ్నల్ ఇచ్చాడ‌ట.
ఇంత‌కీ ఆ ప్లాప్ డైరెక్టర్ ఎవ‌ర‌నుకుంటున్నారా..? కామెడీకి స్టార్ ఇమేజ్ తీసుకువ‌చ్చిన శ్రీను వైట్ల. సి.కళ్యాణ్..శ్రీను వైట్ల తో రెండు సినిమాలు నిర్మించేందుకు ఒప్పందం చేసుకున్నార‌ట. ఆ రెండు చిత్రాల్లో ఓ సినిమాలో రామ్ హీరో కాగా, మ‌రో సినిమాలో వరుణ్ తేజ్ హీరోగా న‌టిస్తార‌ని స‌మాచారం. ఇప్ప‌టి వ‌రుకు వైవిధ్య‌మైన చిత్రాల‌ను ఎంచుకుంటూ దూసుకెళుతున్న వరుణ్...శ్రీను వైట్ల‌తో ఓ ఎంట‌ర్ టైన‌ర్ చేయాల‌నుకుంటున్నాడ‌ట. అది సంగ‌తి.