వ‌రుణ్ తేజ్ కొత్త సినిమా
- IndiaGlitz, [Saturday,July 28 2018]
ఫిదా, తొలిప్రేమ చిత్రాల‌తో వ‌రుస విజ‌యాల‌ను ద‌క్కించుకున్న మెగా క్యాంప్ హీరో వ‌రుణ్ తేజ్.. డిఫ‌రెంట్ స‌బ్జెక్ట్స్‌ను ఎంచుకుంటున్నారు. ప్ర‌స్తుతం వెంక‌టేశ్‌తో క‌లిసి ఎఫ్‌2 సినిమా... సంకల్ప్ రెడ్డి ద‌ర్శ‌క‌త్వంలో అంతిరిక్ష సినిమా ఒకటి చేస్తున్న సంగ‌తి తెల‌సిందే. ఈ రెండు సినిమాలు ఇప్పుడు సెట్స్‌లో ఉన్నాయి. రెండు వ‌చ్చే ఏడాది విడుద‌ల‌వుతాయి.
కాగా త్వ‌ర‌లోనే వ‌రుణ్‌తేజ్ మ‌రో ఆస‌క్తిక‌ర‌మైన ప్రాజెక్ట్‌లో న‌టించ‌బోతున్నాడు. రీసెంట్‌గా ఆ సినిమాకు సంబంధించిన క‌థ‌ను ఓకే చెప్పాడ‌ట. ద‌ర్శ‌కుడు త్రినాథ‌రావు ద‌ర్శ‌క‌త్వంలో మైత్రీమూవీమేక‌ర్స్ బ్యాన‌ర్‌లో సినిమా రూపొంద‌నుంది. ప్ర‌స్తుతం రామ్‌తో హ‌లో గురూ ప్రేమ‌కోస‌మే సినిమాతో బిజీగా ఉన్న త్రినాథ‌రావు త్వ‌ర‌లోనే ఆ సినిమాను పూర్తి చేసి.. ఈ కొత్త సినిమాను సెట్స్‌కు తీసుకెళ్ల‌బోతున్నాడ‌ని స‌మాచారం.