మెగా ప్రిన్స్ వరుణ్ తేజ్ క‌థానాయ‌కుడుగా నటిస్తున్న తాజా చిత్రం 'తొలి ప్రేమ' (ప్ర‌చారంలో ఉన్న పేరు). డెబ్యు డైరెక్టర్ వెంకీ అట్లూరి రూపొందిస్తున్నాడు. రొమాంటిక్ కామెడీ ఫిల్మ్‌ గా తెరకెక్కుతున్న‌ ఈ మూవీని బి.వి.ఎస్.ఎన్. ప్రసాద్ నిర్మిస్తున్నారు. ఇందులో వరుణ్ తేజ్ , రాశి ఖన్నా జంటగా నటిస్తున్నారు. వీరిద్ద‌రి కాంబినేష‌న్‌లో వ‌స్తున్న తొలి చిత్ర‌మిదే కావ‌డం విశేషం.

తాజాగా ఈ సినిమా చిత్రీక‌ర‌ణ కార్య‌క్ర‌మాలు పూర్త‌య్యాయ‌ని తెలిసింది. డబ్బింగ్ పనులు కూడా ఇప్ప‌టికే మొదలయ్యాయి. వరుణ్ తేజ్ ఈ సినిమాలో మూడు స్టైలిష్ లుక్స్ లో కనిపించబోతున్న‌ట్లు స‌మాచారం. చాలా డిఫరెంట్ గా వరుణ్ క్యారెక్టర్ ని డిజైన్ చేసినట్లు చిత్ర వర్గాలు వెల్లడిస్తున్నాయి.

థమన్ సంగీతం సమకూర్చిన ఈ సినిమా ఫిబ్రవరి 9న‌ ప్రేక్షకుల ముందుకు రానుంది. ఫిదా వంటి బ్లాక్‌బ‌స్టర్ మూవీ త‌రువాత వ‌రుణ్ తేజ్ న‌టిస్తున్న సినిమా కావ‌డంతో ఈ చిత్రంపై మంచి అంచ‌నాలే ఉన్నాయి.