కొన్ని సంఘ‌ట‌న‌లు యాదృచ్ఛికంగా జ‌రిగినా.. గ‌మ్మ‌త్తుగా అనిపిస్తుంటాయి. ఇప్పుడు ఇలాంటి ఓ విష‌యం.. ఇద్ద‌రు యువ క‌థానాయ‌కుల కొత్త సినిమాల‌కి సంబంధించి జ‌రుగుతోంది. కాస్త వివ‌రాల్లోకి వెళితే.. 'లై' సినిమా త‌రువాత నితిన్ నటిస్తున్న కొత్త చిత్రం షూటింగ్ ని యుఎస్‌లో 35 రోజుల పాటు ప్లాన్ చేసిన సంగ‌తి తెలిసిందే. ప‌వ‌న్ క‌ళ్యాణ్‌, త్రివిక్ర‌మ్ నిర్మిస్తున్న ఈ చిత్రం ప్ర‌స్తుతం అక్క‌డే షూటింగ్ జ‌రుపుకుంటోంది.

ఇక వెంకీ అట్లూరి ద‌ర్శ‌క‌త్వంలో వ‌రుణ్ తేజ్ న‌టిస్తున్న కొత్త చిత్రం షూటింగ్ కూడా 35 రోజుల పాటు విదేశాల్లో ప్లాన్ చేశారు. అయితే లోకేష‌న్ యుఎస్ కాదు.. యు.కె. ఏదేమైనా విదేశాల్లో చిత్రీక‌ర‌ణ జ‌రుపుకుంటున్న ఈ రెండు చిత్రాల వ‌ర్కింగ్ డేస్ విష‌యంలో ఒకేలా ఉండ‌డం విశేష‌మ‌నే చెప్పాలి. మ‌రో గ‌మ్మ‌త్తైన విష‌యం ఏమిటంటే.. ఈ రెండు చిత్రాల‌కు సంగీత ద‌ర్శ‌కుడు థ‌మ‌న్ కావ‌డం.