క్రిష్ కంచె కి జాతీయ అవార్డ్ - ఆనందంలో వ‌రుణ్ తేజ్..
- IndiaGlitz, [Monday,March 28 2016]
గ‌మ్యం సినిమాతో ద‌ర్శ‌కుడిగా ప‌రిచ‌య‌మై...తొలి చిత్రంతోనే అంద‌రి దృష్టిని ఆక‌ర్షించిన అభిరుచిగ‌ల ద‌ర్శ‌కుడు క్రిష్. గ‌మ్యం ఆత‌ర్వాత వేదం, కృష్ణ‌మ్ వందేజ‌గ‌ద్గురుమ్ చిత్రాల‌ను తెర‌కెక్కించిన క్రిష్ తాజా చిత్రం కంచె. రెండ‌వ ప్ర‌పంచ యుద్ధం నేప‌థ్యంతో తెర‌కెక్కిన కంచె చిత్రం విమ‌ర్శ‌కుల ప్ర‌శంస‌లందుకుంది.
అంతే కాకుండా క‌మ‌ర్షియ‌ల్ గా కూడా మంచి విజ‌యాన్ని సాధించిన కంచె సినిమా ఇప్పుడు ఉత్త‌మ ప్రాంతీయ తెలుగు చిత్రంగా జాతీయ అవార్డును సొంతం చేసుకుంది. కంచె సినిమాకి జాతీయ అవార్డు రావ‌డంపై కంచె హీరో వ‌రుణ్ తేజ్ స్పందిస్తూ...జాతీయ స్ధాయిలో ఉత్త‌మ తెలుగు చిత్రం అవార్డ్ సాధించిన కంచె సినిమాలో న‌టించ‌డం ప‌ట్ల ఆనందం వ్య‌క్తం చేస్తూ..కెప్టెన్ క్రిష్ కి థ్యాంక్స్ అంటూ ట్వీట్ చేసాడు. మెగా హీరో వ‌రుణ్ తేజ్ రెండో సినిమానే జాతీయ స్ధాయిలో అవార్డు సాధించే విభిన్న క‌థా చిత్రాన్ని ఎంచుకోవ‌డం విశేషం.