రీసెంట్‌గా వ‌రుణ్ తేజ్ స‌ర‌స‌న `మిస్ట‌ర్` చి్త్రంలో న‌టించిన లావ‌ణ్య త్రిపాఠి మ‌రో సినిమాలో న‌టించ‌డానికి రెడీ అయ్యింది. ఇప్పుడు తమిళంలో రెండు సినిమాల్లో, తెలుగులో ఓ సినిమా చేస్తున్న లావ‌ణ్య త్రిపాఠి కొత్త సినిమాలో సైన్ చేయ‌డానికి ఆస‌క్తిరేపే అంశం సినిమాలో హీరో సాయిధ‌ర‌మ్ తేజ్‌, డైరెక్ట‌ర్ వి.వి.వినాయ‌క్ కావ‌డ‌మే.

సాయిధ‌ర‌మ్ తేజ్‌, వి.వి.వినాయ‌క్ కాంబినేష‌న్‌లో రూపొంద‌నున్న సినిమాకు సంబంధించిన ప్రీ ప్రొడ‌క్ష‌న్ ప‌నులు శ‌ర‌వేగంగా జరుగుతున్నాయి. అందులో భాగంగా హీరోయిన్‌ను లావ‌ణ్య అయితే బావుంటుంద‌ని యూనిట్ వ‌ర్గాలు భావించి, ఆమెను సంప్ర‌దించాయ‌ట‌. ఎంట‌ర్‌టైన‌ర్‌గా రూపొంద‌నున్న ఈ చిత్రంలో త‌న పాత్ర తీరు తెన్నులు న‌చ్చ‌డంతో లావ‌ణ్య సినిమా చేయ‌డానికి ఒప్పుకుంది. త్వ‌ర‌లోనే సినిమా సెట్స్‌లోకి వెళ్ళ‌నుంది.