Varun Tej Gallery

వ‌రుణ్‌తేజ్ త‌దుప‌రి సినిమా ఫిక్స్ అయింది. ధూపాటి హ‌రిబాబుగా న‌టించి స‌ర్వ‌త్రా ప్ర‌శంస‌లు అందుకుంటున్నారు వ‌రుణ్ తేజ్‌. పూరి జ‌గ‌న్నాథ్ ద‌ర్శ‌క‌త్వంలో వ‌రుణ్ తేజ్ న‌టించిన సినిమా త్వ‌ర‌లో విడుద‌ల కానుంది. ఈ నేప‌థ్యంలో మెగా ప్రిన్స్ కొత్త ప్రాజెక్ట్ ను ఓకే చేశారు. ఈ సినిమాకు గోపీచంద్ మ‌లినేని ద‌ర్శ‌క‌త్వం వ‌హిస్తారు. స్పోర్ట్స్ బ్యాక్‌డ్రాప్‌లో సాగే యాక్ష‌న్‌, ల‌వ్ సినిమా ఇది.

ఇప్ప‌టిదాకా స్పోర్ట్స్ బ్యాక్‌డ్రాప్‌లో వ‌చ్చిన తెలుగు సినిమాల‌న్నీ విజ‌యాన్ని చ‌విచూసిన‌వే. వ‌రుణ్ హైట్‌కి స్పోర్ట్స్ బ్యాక్‌డ్రాప్ అయితే బావుంటుంద‌ని మ‌లినేని అనుకున్నార‌ట‌. ఇటీవ‌లే వ‌రుణ్‌కి, నాగ‌బాబుకు క‌థ‌ను వినిపించారు. క‌థను వారిద్ద‌రూ ఓకే చేశార‌ని తెలిసింది. క‌థ‌లో కొన్ని మార్పులు, చేర్పుల‌ను ప్ర‌స్తుతం చేస్తున్నారు . ఈ సినిమా షూటింగ్ డిసెంబ‌ర్ నుంచి మొద‌లు కానుంది. న‌ల్ల‌మ‌లుపు బుజ్జి, ఠాగూర్ మ‌ధు క‌లిసి ఈ సినిమాను నిర్మిస్తారు. ముకుంద‌ను తీసింది కూడా ఠాగూర్ మ‌ధు కావ‌డం విశేషం.