இளம் இயக்குனர் கார்த்திக் நரேன் இயக்கத்தில் கடந்த 2016 ஆம் ஆண்டு வெளிவந்த திரைப்படம் ’துருவங்கள் 16’. சூப்பர் ஹிட் வெற்றி பெற்ற இந்த படத்தில் ரகுமான் உள்பட பலர் நடித்திருந்தனர். இந்த திரைப்படம் நல்ல வரவேற்பை பெற்றதை அடுத்து கார்த்திக் நரேன் மாஃபியா, நரகாசுரன் ,ஆகிய படங்களை இயக்கி உள்ளார் என்பதும் தற்போது தனுஷ் நடித்து வரும் படத்தை இயக்கி வருகிறார் என்பது குறிப்பிடத்தக்கது

இந்த நிலையில் ’துருவங்கள் 16’ படத்தின் ஹிந்தி ரீமேக் குறித்த செய்திகள் கடந்த சில நாட்களாக வெளிவந்து கொண்டிருக்கின்றன. இந்த நிலையில் தற்போது இந்த செய்தி உறுதி செய்யப்பட்டு இந்த படத்தில் நடிக்கும் நடிகர் நடிகைகள் குறித்த தகவல்கள் வெளிவந்துள்ளன

இந்த படத்தில் ரகுமான் நடித்த கேரக்டரில் பிரபல பாலிவுட் நடிகர் வருண் தவான் நடிப்பதாகவும் அதுமட்டுமின்றி ப்ரினிதி சோப்ரா ஒரு முக்கிய கேரக்டரில் நடிக்க இருப்பதாகவும் செய்திகள் வெளிவந்துள்ளன. மேலும் இந்த படத்திற்கு ’சங்க்கி’ என்ற டைட்டில் வைக்கப்பட்டிருப்பதாகவும் இது குறித்த அதிகாரப்பூர்வ அறிவிப்பு விரைவில் வெளிவரும் என்றும் கூறப்படுகிறது.