Varun Tej Gallery

గ‌తేడాది కంచె వంటి విభిన్న‌మైన క‌థాంశంతో ప్రేక్ష‌కుల‌ను, విమ‌ర్శ‌కుల ప్ర‌శంస‌లు అందుకున్న మెగాబ్ర‌ద‌ర్ త‌న‌యుడు వ‌రుణ్‌తేజ్ పూరి లోఫ‌ర్‌తో మాస్ హీరోగా సంద‌డి చేశాడు. అయితే రెండు వ‌రుస చిత్రాలు చేసిన వ‌రుణ్‌తేజ్ గ్యాప్ తీసుకుని ఇప్పుడు త‌న నెక్ట్స్ మూవీకి రెడీ అవుతున్నాడు. నిన్న పుట్టిన‌రోజు జరుపుకున్న వ‌రుణ్‌తేజ్ ఈరోజు త‌న త‌దుప‌రిచిత్రాన్ని క‌న్‌ఫ‌ర్మ్ చేసేశాడు. పూరి సినిమా త‌ర్వాత జాగ‌ర్ల‌మూడి క్రిష్ ద‌ర్శ‌క‌త్వంలో వ‌రుణ్ తేజ్ స్పై థ్రిల్ల‌ర్ రాయ‌భారి అనే సినిమా చేస్తాడ‌ని వార్త‌లు విన‌ప‌డ్డాయి.

ఈ విష‌యంపై స్పందించిన వ‌రుణ్‌తేజ్ ప్ర‌స్తుతం నేను విన్న క‌థ‌ల్లో క్రిష్ గారి క‌థ కూడా ఒక‌టి. టైటిల్ ఇంకా ఏమీ అనుకోలేద‌ని అప్ప‌ట్లో అన్నాడు. కానీ ఇప్పుడు మాత్రం త‌ను రాయ‌భారి సినిమా చేయ‌బోతున్న‌ట్లు, కంచె త‌ర్వాత అదే టీంతో క‌లిసి ప‌నిచేయ‌డానికి ఎగ్జ‌యిట్‌మెంట్‌తో వెయిట్ చేస్తున్న‌ట్టు త‌న సోష‌ల్ మీడియాలో అకౌంట్ ద్వారా తెలియ‌జేశాడు.