விஜய் நடித்த ‘வாரிசு’ திரைப்படத்தில் நடித்த நடிகை ஏற்கனவே மூன்று கட்சிகளில் இருந்த நிலையில் தற்போது பாஜகவுக்கு நான்காவது கட்சியாக தாவ இருப்பதாக தகவல் வெளியாகியுள்ளது.

விஜய் நடிப்பில் உருவான ‘வாரிசு’ திரைப்படத்தில் விஜய்க்கு அம்மா கேரக்டரில் நடித்திருந்தவர் நடிகை ஜெயசுதா. இவர் கமல், ரஜினி உடன் பல திரைப்படங்களில் நடித்துள்ளார் என்பதும் தெலுங்கிலும் பல படங்களில் நாயகியாக நடித்துள்ளார் என்பது குறிப்பிடத்தக்கது.

திரை உலகில் மட்டுமின்றி அரசியலிலும் ஆர்வமுள்ள ஜெயசுதா கடந்த 2009 ஆம் ஆண்டு காங்கிரஸ் கட்சியில் இணைந்து செகந்திராபாத் தொகுதியில் போட்டியிட்டு எம்எல்ஏ ஆனார். இதனை அடுத்து 2016 ஆம் ஆண்டு அவர் தெலுங்கு தேசம் கட்சிக்கு தாவினார். அங்கு மூன்று ஆண்டுகள் இருந்த அவர் பின்னர் ஒஎஸ்ஆர் காங்கிரஸ் கட்சியில் 2019 ஆம் ஆண்டு இணைந்தார்

இந்த நிலையில் தற்போது தற்போது அவர் பாஜகவில் சேர இருப்பதாக கூறப்படுகிறது. சமீபத்தில் அவர் ஆந்திர மாநில பாஜக தலைவரை சந்தித்ததாகவும் செகந்திராபாத் தொகுதியில் தனக்கு 2024 ஆம் ஆண்டு தேர்தலில் போட்டியிட வாய்ப்பளித்தால் பாஜகவில் இணைய தயார் என்று கூறியதாகவும் கூறப்படுகிறது.

எனவே விரைவில் அவர் டெல்லி சென்று அமித்ஷா அல்லது மோடி முன்னிலையில் பாஜகவில் இணைவார் என்று கூறப்படுகிறது. ஏற்கனவே மூன்று கட்சிகளில் இருந்த ஜெயசுதா நான்காவது கட்சியாக பாஜகவுக்கு தாவுவார் என்று அரசியல் வட்டாரங்கள் கூறுகின்றன.