நடிகை வரலட்சுமி கடந்த ஆண்டு விஜய், தனுஷ், விஷால் உள்பட பல முன்னணி நடிகர்களுடன் இணைந்து நடித்த நிலையில் தற்போது அவர் நாயகிக்கு முக்கியத்துவம் உள்ள படங்களில் நடித்து வருகிறார். அவர் நடித்து முடித்துள்ள 'நீயா 2' விரைவில் திரைக்கு வரவுள்ள நிலையில் தற்போது அவர் முக்கிய வேடத்தில் நடித்து வரும் இன்னொரு படத்தின் டைட்டிலுடன் கூடிய ஃபர்ஸ்ட்லுக் வெளிவந்துள்ளது.

சமீபத்தில் நடிகை வரலட்சுமி மலேசியாவில் ஒரு புதிய படத்தின் படப்பிடிப்பில் இருப்பதாகவும், இந்த படம் குறித்த ஆச்சரியமான தகவல் விரைவில் வெளியாகும் என்றும் தனது சமூக வலைத்தளத்தில் தெரிவித்திருந்தார். அந்த வகையில் வரலட்சுமி குறிப்பிட்ட இந்த படத்திற்கு 'சேஸிங்' என்ற டைட்டில் வைக்கப்பட்டுள்ளதாக ஃபர்ஸ்ட்லுக் வெளியாகியுள்ளது. இந்த ஃபர்ஸ்ட்லுக், வரலட்சுமி அட்டகாசமாக பைக்கில் உட்கார்ந்திருக்கும் வகையில் அமைந்துள்ளது.

மேலும் இந்த படத்தில் வரலட்சுமிக்கு 'மக்கள் செல்வி' என்ற பட்டம் கொடுக்கப்பட்டுள்ளது என்பதும் குறிப்பிடத்தக்கது. ஏற்கனவே மக்கள் செல்வன் என்ற பட்டம் விஜய்சேதுபதிக்கு கொடுக்கப்பட்டுள்ள நிலையில் தற்போது வரலட்சுமிக்கு மக்கள் செல்வி என்ற பட்டம் கிடைத்துள்ளது. இந்த படத்தை கே.வீரக்குமார் என்பவர் இயக்கி வருகிறார். கிருஷ்ணசாமி ஒளிப்பதிவில் தஷி இசையமைப்பில் உருவாகி வரும் இந்த படத்தில் பாலசரவணன், யமுனா சின்னத்துரை உள்பட பலர் நடித்து வருகின்றனர்.