வருங்கால கணவர் தோளில் சாய்ந்து பறக்கும் வரலட்சுமி.. திருமணத்திற்கு முன் ஒரு ஜாலி அவுட்டிங்.!
- IndiaGlitz, [Friday,May 10 2024]
நடிகை வரலட்சுமி சரத்குமாருக்கு கடந்த சில மாதங்களுக்கு முன்னர் திருமணம் நிச்சயதார்த்தம் நடந்த நிலையில் அவர் ஏற்கனவே தனது வருங்கால கணவருடன் ஜாலி ட்ரிப் செய்த புகைப்படங்களை கடந்த மார்ச் மாதம் அவரது இன்ஸ்டாகிராம் பக்கத்தில் பதிவாகி இருந்தது என்பதை பார்த்தோம். இந்த நிலையில் தற்போது அவர் மீண்டும் விமானத்தில் தனது வருங்கால கணவரின் தோளில் சாய்ந்து இருக்கும் புகைப்படத்தை பதிவு செய்துள்ளார்.
நடிகை வரலட்சுமிக்கும் மும்பையை சேர்ந்த தொழிலதிபர் நிக்கோலஸ் என்பவருக்கும் கடந்த சில மாதங்களுக்கு முன்னர் திருமண நிச்சயதார்த்தம் நடந்தது என்பதும் சரத்குமாரின் குடும்பத்தினர் அனைவரும் இதில் கலந்து கொண்ட புகைப்படங்கள் இணையத்தில் வைரலானது என்பது தெரிந்தது.
இந்த நிலையில் நிக்கோலஸ் - வரலட்சுமி திருமண தேதி விரைவில் அறிவிக்கப்படும் என்று எதிர்பார்க்கப்படும் நிலையில் கடந்த மார்ச் மாதம் இருவரும் தாய்லாந்து சென்றனர் என்பதும் அங்குள்ள ஒரு நட்சத்திர ஓட்டலில் இருவரும் தங்கி இருந்த புகைப்படங்கள் வைரலானது.
இந்த நிலையில் தற்போது வரலட்சுமி தனது வருங்கால கணவருடன் விமானத்தில் பறக்கும் புகைப்படம், விமானத்திலிருந்து எடுத்த செல்பி புகைப்படம் ஆகியவற்றை பதிவு செய்துள்ள நிலையில் அந்த புகைப்படம் தற்போது இணையத்தில் வைரல் ஆகி வருகிறது. திருமணத்திற்கு முன்பே வருங்கால கணவருடன் ஜாலியாக சுற்றும் வரலட்சுமிக்கு ரசிகர்கள் வாழ்த்துக்களை தெரிவித்து வருகின்றனர்.