கடந்த சில வருடங்களாக சமூக வலைதளங்களில் பிரபலங்களின் பிறந்த நாள் வரும்போது டிபி என்ற வாழ்த்து புகைப்படங்கள் வெளியிடுவது வழக்கமான ஒன்றாக மாறிவிட்டது. சமீபத்தில் கூட தளபதி விஜய்யின் பிறந்தநாள் விழாவை அடுத்து ஒரே நேரத்தில் பல பிரபலங்கள் அவருடைய டிபி புகைப்படத்தை வெளியிட்டார்கள் என்பது தெரிந்ததே.

இந்த நிலையில் கிரிக்கெட் ரசிகர்களால் தல என்று அன்புடன் அழைக்கப்படும் தோனியின் பிறந்தநாள் வரும் ஜூலை 7ஆம் தேதி கொண்டாடப்பட உள்ளது. இந்த நிலையில் தல தோனியின் பிறந்தநாள் டிபியை நடிகை வரலட்சுமி சரத்குமார் தனது சமூக வலைத்தளத்தில் சற்றுமுன் வெளியிட்டுள்ளார்.

தல தோனி அவர்களின் பிறந்தநாள் டிபியை வெளியிடுவதில் மிகவும் மகிழ்ச்சி அடைகிறேன். அனைவருக்குமே தெரியும் நான் தல தோனியின் தீவிர ரசிகர் என்று. 2020 ஆம் ஆண்டு ஐபிஎல் போட்டியில் தல தோனியை பார்க்க நாம் மிஸ் செய்து விட்டோம். ஆனால் கண்டிப்பாக அவர் தனது பரிவாரங்களுடன் மீண்டும் வருவார் என்ற நம்பிக்கை எனக்கு இருக்கிறது. தல தோனி அவர்களுக்கும், அவருடைய ரசிகர்களுக்கும் எனது வாழ்த்துக்கள் என்று வரலட்சுமி சரத்குமார் கூறியுள்ளார்.

சுற்றிலும் வானுயர்ந்த கட்டிடங்களுக்கு நடுவே ஸ்டைலாக கையில் பேட் வைத்து நின்று கொண்டிருக்கும் தல தோனியின் பிறந்தநாள் டிபி தற்போது சமூக வலைதளங்களில் வைரல் ஆகி வருகிறது என்பதும், தோனியின் பிறந்தநாள் டிபியை வெளியிட்ட வரலட்சுமிக்கு பாராட்டுக்கள் குவிந்து வருகிறது என்பதும் குறிப்பிடத்தக்கது,

Superr excited to be launching the DP of our own #ThalaDhoni.. everyone knows what a huge fan I am..we missed him this year in the #IPL2020 but I’m sure he’s gonna be back with a bang...Haappyyyy Bdayyyy from all your fans in advance Designed By @nxtgen_studio#DhoniBirthdayCDP pic.twitter.com/vUiTq1VR3K

— ?????????????????? ?????????????????????? (@varusarath) June 27, 2020