விக்னேஷ் சிவன் இயக்கிய ’போடா போடி’ என்ற திரைப்படத்தின் மூலம் நடிகையாக அறிமுகமான நடிகை வரலட்சுமி, அதன்பின்னர் விக்ரம் வேதா, தாரை தப்பட்டை, சண்டக்கோழி 2, சர்கார், மாரி 2 உள்பட பல திரைப்படங்களில் நடித்தார். இந்த நிலையில் நடிகையை அடுத்து தற்போது அவர் இயக்குனர் அவதாரம் எடுத்துள்ளார். நடிகை வரலட்சுமி இயக்கும் முதல் படத்தை தளபதி விஜய் படத்தை தயாரித்த பிரபல நிறுவனம் ஒன்று தயாரித்து வருகிறது

வரலட்சுமி சரத்குமார் இயக்கும் முதல் படத்தின் டைட்டில் ’கண்ணாமூச்சி’ என அறிவிக்கப்பட்டு இந்த படத்தின் ஃபர்ஸ்ட்லுக் போஸ்டரும் சற்றுமுன் வெளியாகியுள்ளது. சாம் சிஎஸ் இசையில் கிருஷ்ணசாமி ஒளிப்பதிவில் உருவாகவுள்ள இந்த படத்தை ஸ்ரீதேனாண்டாள் பிலிம்ஸ் நிறுவனம் தயாரித்து வருகிறது. ஏற்கனவே இந்நிறுவனம் விஜய்யின் மெகா பட்ஜெட் படமான ’மெர்சல்’ உள்ளிட்ட பல திரைப்படங்களை தயாரித்து உள்ளது என்பது குறிப்பிடத்தக்கது

நடிகையில் இருந்து இயக்குனர் அவதாரம் எடுத்து இருப்பதை அடுத்து வரலட்சுமிக்கு தமிழ் திரையுலகினர் வாழ்த்துக்களை கூறி வருகின்றனர். வரலட்சுமி இயக்கும் முதல் படமான ’கண்ணாமூச்சி’ திரைப்படம் ரசிகர்களை கவரும் என எதிர்பார்க்கப்படுகிறது