விஜய் படத்தில் வரலட்சுமியின் ஆச்சரியமான கேரக்டர்
- IndiaGlitz, [Saturday,April 14 2018]
தளபதி விஜய் நடிப்பில் இயக்குனர் ஏ.ஆர்.முருகதாஸ் இயக்கி வரும் 'தளபதி 62' படத்தின் படப்பிடிப்பு கிட்டத்தட்ட 50% நெருங்கிவிட்ட நிலையில், அடுத்தகட்ட படப்பிடிப்பு கோலிவுட் திரையுலகினர்களின் வேலைநிறுத்தம் முடிவுக்கு வந்த பின்னர் நடைபெறவுள்ளது.
இந்த நிலையில் இந்த படத்தில் வரலட்சுமி சரத்குமார் முக்கிய வேடத்தில் நடிக்கவுள்ளார் என்ற தகவலை ஏற்கனவே பார்த்தோம். இவர் இந்த படத்தில் நெகட்டிவ் கேரக்டரில் நடிக்கவுள்ளதாகவும் கூறப்பட்டாலும், படக்குழுவினர் இந்த தகவலை உறுதி செய்யவில்லை
இந்த நிலையில் தற்போது வரலட்சுமி கேரக்டர் குறித்த தகவல் கசிந்துள்ளது. வரலட்சுமி இந்த படத்தில் அரசியல்வாதியாக நடிக்கவுள்ளதாகவும், அவருடைய கேரக்டர் கொஞ்சம் வில்லத்தனம் கலந்த கேரக்டர்தான் என்றும் தெரியவந்துள்ளது. தன்னுடைய கேரக்டர் ஆடியன்ஸ்களுக்கு ஒரு சர்ப்பரைஸாக இருக்கும் என்று ஏற்கனவே வரலட்சுமி கூறிய நிலையில் இந்த தகவல் உண்மையில் விஜய் ரசிகர்களுக்கு ஒரு ஆச்சரியமான தகவலாகத்தான் உள்ளது.
விஜய், கீர்த்திசுரேஷ், வரலட்சுமி, யோகிபாபு உள்ளிட்ட பலர் நடித்துவரும் இந்த படத்தை சன் பிக்சர்ஸ் நிறுவனம் பிரமாண்டமாக தயாரித்து வருகிறது. க்ரிஷ் கங்காதரன் ஒளிப்பதிவில் ஸ்ரீகர் பிரசாத் படத்தொகுப்பில் உருவாகும் இந்த படம் வரும் தீபாவளி தினத்தில் வெளியாகும் என்று எதிர்பார்க்கப்படுகிறது.