நடிகை வரலட்சுமிக்கு சமீபத்தில் திருமண நிச்சயதார்த்தம் நடந்த நிலையில் அவர் தற்போது தனது வருங்கால கணவருடன் தாய்லாந்தில் ஜாலியான ட்ரிப் செய்த புகைப்படங்கள் மற்றும் வீடியோவை தனது இன்ஸ்டாகிராம் பக்கத்தில் பதிவு செய்துள்ள நிலையில் அவை வைரல் ஆகி வருகின்றன.

தமிழ் திரையுலகின் நடிகைகளில் ஒருவரான வரலட்சுமி மும்பையை சேர்ந்த தொழிலதிபர் நிக்கோலஸ் என்பவரை திருமணம் செய்ய உள்ளார். இவர்கள் இருவரும் கடந்த 14 ஆண்டுகளாக காதலித்து கொண்டு இருப்பதாக கூறப்பட்ட நிலையில் தற்போது இரு தரப்பு குடும்பத்தினர் சம்மதத்துடன் கடந்த சில வாரங்களுக்கு முன்னர் திருமண நிச்சயதார்த்தம் நடந்தது என்பதும் இந்த திருமண நிச்சயதார்த்தத்தில் சரத்குமார் குடும்பத்தினர் மற்றும் வரலட்சுமியின் அம்மா ஆகியோர்கள் கலந்து கொண்ட புகைப்படங்கள் இணையத்தில் வைரல் ஆகியது என்பதை பார்த்தோம்.

இந்த நிலையில் திருமண தேதி விரைவில் அறிவிக்கப்படும் என்று எதிர்பார்க்கப்படும் நிலையில் வரலட்சுமி தனது வருங்கால கணவர் நிக்கோலஸ் உடன் தாய்லாந்து சென்ற புகைப்படம் மற்றும் வீடியோக்களை பதிவு செய்துள்ளார். இந்த வீடியோவில் அவர் தாய்லாந்தில் உள்ள உணவகத்தில் இருவரும் சேர்ந்து சாப்பிடுவது போன்று உள்ள காட்சிகள் உள்ளதை அடுத்து இந்த ஜாலி ட்ரிப் உங்களுக்கு நல்ல சந்தோஷத்தை கொடுக்கட்டும் என்று ரசிகர்கள் வாழ்த்து தெரிவித்து வருகின்றனர்.

நடிகை வரலட்சுமி தற்போது தனுஷின் 50வது படமான ’ராயன்’ உட்பட நான்கு படங்களில் நடித்து வருகிறார் என்பதும் அந்த படங்கள் அடுத்தடுத்த ரிலீஸ் ஆக உள்ளன என்பதும் குறிப்பிடத்தக்கது.