பள்ளி, கல்லூரி மாணவிகளுக்கு வரலட்சுமி செய்த உதவி!
- IndiaGlitz, [Monday,March 04 2019]
கோலிவுட் திரையுலகின் பிரபல நடிகைகளில் ஒருவராகிய வரலட்சுமி சரத்குமார் கடந்த ஆண்டு 'சர்கார்', 'மாரி 2' உள்பட பல படங்களில் நடித்து முன்னணி நடிகைகள் பட்டியலில் இடம்பெற்றார். இவர் தற்போது ஏழு படங்களில் நடித்து வருகிறார்.
இந்த நிலையில் மார்ச் 5ஆம் தேதி அதாவது நாளை வரலட்சுமியின் பிறந்த நாள் கொண்டாடப்படவுள்ளது. அதேபோல் மார்ச் 8ஆம் தேதி உலக மகளிர் தினமும் கொண்டாடப்படவுள்ளது. இதனையடுத்து வரலட்சுமியின் பிறந்த நாள் விழா மற்றும் உலக மகளிர் தின விழா நேற்று சென்னை வைஷ்ணவா கல்லூரியில் கொண்டாடப்பட்டது. இந்த விழாவில் சென்னையில் உள்ள 35 பள்ளிகள் மற்றும் 12 கல்லூரிகளில் சானிட்டரி பேட் மிஷின்களை வரலட்சுமி வழங்கியுள்ளார். இது இந்த பள்ளி கல்லூரிகளில் படித்து வரும் மாணவிகளுக்கு அவர் செய்த பேருதவியாக கருதப்படுகிறது.
ஏற்கனவே சேவ்சக்தி' என்ற அமைப்பின் மூலம் பெண்களுக்கு நடிகை வரலட்சுமி பல்வேறு உதவிகளை செய்து வருகிறார். திரைப்பட நடிகையாக மட்டுமின்றி சமூக சேவை சிந்தனையுடன் செயல்பட்டு வரும் வரலட்சுமிக்கு நமது அட்வான்ஸ் பிறந்த நாள் நல்வாழ்த்துக்கள்.