'வந்தா ராஜாவாதான் வருவேன்' சென்சார் தகவல்
- IndiaGlitz, [Thursday,January 24 2019]
சிம்பு நடிப்பில் சுந்தர் சி இயக்கிய 'வந்தா ராஜாவாதான் வருவேன் திரைப்படத்தின் படப்பிடிப்பு மற்றும் போஸ்ட் புரடொக்சன்ஸ் பணிகள் முடிவடைந்து வரும் பிப்ரவரி 1ஆம் தேதி வெளியாகவுள்ளது. இந்த படத்தின் பாடல்கள் இன்று வெளியாகவிருப்பதால் சிம்பு ரசிகர்கள் பாடலை வரவேற்க காத்திருக்கின்றனர்.
இந்த நிலையில் இந்த படம் இன்று சென்சாருக்கு சென்றது. சென்சார் அதிகாரிகள் இந்த படத்தை பார்த்து 'யூ' சான்றிதழ் அளித்துள்ளனர். சிம்பு சோலோ ஹீரோவாக நடித்த முந்தைய படமான 'அன்பானவன் அசராதவன் அடங்காதவன்' திரைப்படம் 'ஏ' சான்றிதழ் பெற்றிருந்த நிலையில் அவரது அடுத்த படம் 'யூ' சான்றிதழ் பெற்றுள்ளது என்பது குறிப்பிடத்தக்கது
சிம்பு, மேகா ஆகாஷ், கேதரின் தெரசா, மகத், பிரபு, ரம்யாகிருஷ்ணன், நாசர், யோகிபாபு, ரோபோ சங்கர் உள்பட பலர் நடித்துள்ள இந்த படத்திற்கு கோபி அமர்நாத் ஒளிப்பதிவும், ஸ்ரீகாந்த் படத்தொகுப்பும் செய்துள்ளனர். இந்த படத்தை லைகா நிறுவனம் தயாரித்துள்ளது