நேருக்கு நேர் மோதிக்கொண்ட வனிதா-ரம்யா கிருஷ்ணன்: வைரல் வீடியோ
- IndiaGlitz, [Wednesday,July 14 2021]
சமீபத்தில் பிக்பாஸ் ஜோடி நிகழ்ச்சியில் இருந்து தான் விலகிக் கொள்வதாக வனிதா விஜயகுமார் நீண்ட விளக்கம் ஒன்றை கொடுத்திருந்தார் என்பதை ஏற்கனவே பார்த்தோம். அந்த நிகழ்ச்சியில் வனிதாவுக்கு சீனியர் நடிகை ஒருவருக்கும் ஏற்பட்ட கருத்து வேறுபாடு காரணமாகத்தான் வனிதா விலகினார் என்றும் அந்த சீனியர் நடிகை ரம்யா கிருஷ்ணன் என்றும் செய்திகள் வெளியானது
இந்த நிலையில் தற்போது அந்த நிகழ்ச்சியின் புரோமோ வீடியோ வெளியாகி உள்ள நிலையில் அது உறுதி செய்யப்பட்டுள்ளது. வனிதா இந்த நிகழ்ச்சியில் காளி வேஷம் போட்டு ஆக்ரோஷமாக ஆடிக் கொண்டிருக்கும் நிலையில் அந்த ஆட்டம் குறித்து நடுவர் ரம்யா கிருஷ்ணன் தனது கருத்தை தெரிவிக்கிறார்
அப்போது வனிதா மற்ற போட்டியாளர்களுடன் தன்னை ஒப்பிட வேண்டாம் என்று கூற, அதற்கு ஆவேசமான ரம்யா கிருஷ்ணன், ‘போட்டி என்றால் என்ன? இரண்டு போட்டியாளர்களை ஒப்பிடக்கூடாது என்று எப்படி சொல்லலாம் என்று ஆவேசமாக கூற உடனே மைக்கை கொடுத்துவிட்டு வனிதா செட்டை விட்டு வெளியேறுவதுடன் புரமோ முடிகிறது. வரும் ஞாயிறு அன்று இந்த நிகழ்ச்சியை முழுவதும் பார்த்தால் தான் என்ன நடந்தது என்பதை முழுமையாக தெரிந்து கொள்ள முடியும். இந்த வீடியோ தற்போது வைரல் ஆகி வருகிறது.