தேர்தல் 2019: நடிகை ரோஜாவுடன் மோதும் விஜயகாந்த் பட நடிகை?
- IndiaGlitz, [Monday,March 18 2019]
நாடு முழுவதும் ஏப்ரல், மே மாதங்களில் நாடாளுமன்ற தேர்தல் நடைபெறவுள்ள நிலையில் ஆந்திர பிரதேச மாநிலத்தில் சட்டமன்ற தேர்தலும் நடைபெறவுள்ளது,. இதற்காக அம்மாநில அரசியல் கட்சிகள் தயாராகி வரும் நிலையில் முன்னாள் முதல்வர் ராஜசேகர ரெட்டியின் மகனும் ஒய்.எஸ்.ஆர் காங்கிரஸ் கட்சியின் தலைவருமான ஜெகன்மோகன் ரெட்டி நேற்று 175 தொகுதிகளுக்கும் வேட்பாளர்களை அறிவித்தார்.
இந்த வேட்பாளர் பட்டியலில் நகரி தொகுதியில் மீண்டும் ஒய்.எஸ்.ஆர். கட்சியின் சார்பில் நடிகை ரோஜா வேட்பாளராக அறிவிக்கப்பட்டுள்ளார். இந்த தொகுதியில் ரோஜாவுக்கு நல்ல பெயர் இருப்பதால் அவர் மீண்டும் வெற்றி பெற அதிக வாய்ப்பு இருப்பதாக கூறப்படுகிறது.
இந்த நிலையில் ரோஜாவை எதிர்த்து சந்திரபாபு நாயுடுவின் தெலுங்கு தேச கட்சி நடிகை வாணிவிஸ்வநாத்தை நகரி தொகுதியின் வேட்பாளராக்க திட்டமிட்டுள்ளதாக செய்திகள் வெளிவந்துள்ளது. இருப்பினும் தெலுங்கு தேச கட்சியின் வேட்பாளர் பட்டியல் வந்தபின்னரே இந்த தகவல் உறுதி செய்யப்படும்.
நடிகை வாணி விஸ்வநாத், விஜய்காந்த் நடித்த 'நல்லவன்', 'பூந்தோட்ட காவல்காரன் உள்பட ஒருசில தமிழ்ப்படங்களில் நடித்தவர் என்பது குறிப்பிடத்தக்கது