'சுந்தரி 2' தொடரில் இணைந்த 'வானத்தை போல' பிரபலங்கள்.. என்ன கேரக்டர்கள் தெரியுமா?
- IndiaGlitz, [Tuesday,August 27 2024]
சன் டிவியில் ஒளிபரப்பான ’வானத்தைப்போல’ சீரியல் சமீபத்தில் முடிவடைந்த நிலையில் இந்த சீரியலில் நடித்த இரண்டு முக்கிய கேரக்டர்கள் தற்போது ’சுந்தரி 2’ சீரியலில் இணைந்துள்ளதாக தகவல் வெளியாகி உள்ளன.
சன் டிவியில் ’சுந்தரி’ சீரியல் மிகப்பெரிய வரவேற்பை பெற்ற நிலையில் இந்த சீரியலின் இரண்டாம் பாகம் தற்போது திங்கள் முதல் சனி வரை இரவு 7 மணிக்கு ஒளிபரப்பாகி வருகிறது என்பதும் முதல் பாகம் போலவே இரண்டாம் பாகத்திற்கும் ரசிகர்கள் மத்தியில் நல்ல வரவேற்பு கிடைத்து வருகிறது என்பதும் குறிப்பிடத்தக்கது.
இந்த நிலையில் ’வானத்தைப்போல’ தொடர் சமீபத்தில் முடிவடைந்த நிலையில் இந்த தொடரில் நடித்த திலக் மற்றும் தக்ஷனா ஆகிய இருவரும் தற்போது ’சுந்தரி 2’ தொடரில் இணைந்துள்ளனர். இவர்கள் இருவருடைய கேரக்டர்கள் புதிதாக ’சுந்தரி 2’ தொடரில் இணைக்கப்பட்டு உள்ளதாகவும் இருவரும் அண்ணன் தங்கை கேரக்டரில் நடிக்க இருப்பதாகவும் தகவல் வெளியாகியுள்ளன.
’சுந்தரி 2’ சீரியலில் திலக் மற்றும் தக்ஷனா ஆகிய இருவரும் இணைந்த பின்னர் இந்த தொடருக்கு கூடுதல் வரவேற்பு கிடைக்கும் என்று எதிர்பார்க்கப்படுகிறது.