கல்லூரியில் படிக்கும்போதே காதல்.. 'வானத்தை போல' சீரியல் நடிகையின் நிச்சயதார்த்தம்..!
- IndiaGlitz, [Tuesday,December 12 2023]
கல்லூரியில் படிக்கும்போதே காதலித்துக் கொண்டிருந்த ’வானத்தைப்போல’ சீரியல் நடிகையின் திருமண நிச்சயதார்த்தம் முடிந்துள்ள நிலையில் இது குறித்த புகைப்படங்கள் இணையத்தில் வைரல் ஆகி வருகிறது.
சன் டிவியில் ஒளிபரப்பாகி வரும் சீரியல்களில் ஒன்று ’வானத்தைப்போல’. இந்த சீரியல் பார்வையாளர்கள் மத்தியில் மிகப்பெரிய வரவேற்பை பெற்றுள்ளது என்பதும், இந்த சீரியலில் துளசி என்ற கேரக்டரில் கிராமத்து கேரக்டராகவே ஸ்வேதா மாறி ரசிகர்களை கவர்ந்தார் என்பது குறிப்பிடத்தக்கது.
இந்த நிலையில் ’வானத்தைப்போல’ சீரியலில் இருந்து திடீரென விலகிய ஸ்வேதா தற்போது கலைஞர் தொலைக்காட்சியில் ஒளிபரப்பாகி வரும் ’கண்ணெதிரே தோன்றினாள்’ என்ற சீரியலில் நடித்து வருகிறார்.
இந்த நிலையில் கல்லூரியில் படிக்கும்போதே இவர் மதுசங்கர் என்பவரை ஸ்வேதா காதலித்து வந்த நிலையில் சமீபத்தில் இவரது திருமண நிச்சயதார்த்தம் நடந்தது. இருவீட்டார் சம்மதத்துடன் நடந்த இந்த திருமண நிச்சயதார்த்தத்திற்கு ஏராளமான சின்னத்திரை உலகினர் வருகை தந்து வாழ்த்து தெரிவித்தனர்.
திருமண நிச்சயதார்த்தம் குறித்த புகைப்படங்களை ஸ்வேதா தன்னுடைய இன்ஸ்டாகிராம் ஸ்டோரியில் பதிவு செய்துள்ள நிலையில் ரசிகர்கள் அவருக்கு வாழ்த்துக்களை தெரிவித்து வருகின்றனர்.