గోదావరి అందాలను అత్యంత అద్భుతంగా తెరకెక్కించి... తెలుగు తెరపై తనదైన ముద్ర వేసిన క్రియేటివ్‌ డైరెక్టర్‌ వంశీ. మాస్ రాజా ర‌వితేజ హీరోగా వంశీ లేడీస్ టైల‌ర్ చిత్రానికి సీక్వెల్ గా ఫ్యాష‌న్ డిజైన‌ర్ స‌న్నాఫ్ లేడీస్ టైల‌ర్ అనే చిత్రాన్ని రూపొందించాలి అనుకున్నారు. కానీ...ఎందుక‌నో ఈ ప్రాజెక్ట్ సెట్స్ పైకి వెళ్ల‌లేదు. ఆత‌ర్వాత రాజ్ త‌రుణ్ అనుకున్నారు కుద‌ర‌లేదు.

ప్ర‌ముఖ నిర్మాత సురేష్ బాబు రెండో కుమారుడు అభిరామ్ ని హీరోగా ప‌రిచ‌యం చేస్తూ వంశీ ఈ చిత్రాన్ని తెర‌కెక్కించ‌నున్న‌ట్టు ప్ర‌చారం జ‌రిగింది. కానీ...ఇది కూడా సెట్స్ పైకి వెళ్ల‌లేదు. ఫైన‌ల్ గా వంశీ ఫ్యాష‌న్ డిజైన‌ర్ స‌న్నాఫ్ లేడీస్ టైల‌ర్ చిత్రాన్ని యువ హీరో సుమంత్ అశ్విన్ తో చేయ‌నున్న‌ట్టు ద‌ర్శ‌క‌నిర్మాత మ‌ధుర శ్రీధ‌ర్ ట్విట్ట‌ర్ ద్వారా తెలియ‌చేసారు.