మున్నా చిత్రంతో ద‌ర్శ‌కుడిగా ప‌రిచ‌య‌మై...తొలి చిత్రంతో విజ‌యం సాధించ‌లేక‌పోయినా బృందావ‌నం, ఎవ‌డు చిత్రాల‌తో స‌క్సెస్ సాధించిన డైరెక్ట‌ర్ వంశీ పైడిప‌ల్లి. తాజాగా నాగార్జున - కార్తీ - త‌మ‌న్నా కాంబినేష‌న్లో ఊపిరి చిత్రాన్ని తెర‌కెక్కించారు. రేపు ఊపిరి ప్ర‌పంచ వ్యాప్తంగా రిలీజ్ అవుతుంది. ఇదిలా ఉంటే...వంశీ ఎవ‌డు చిత్రాన్ని హాలీవుడ్ మూవీ ఫేస్ ఆఫ్ చిత్రం ఆధారంగా తెర‌కెక్కించారు.

ఊపిరి చిత్రాన్ని ఫ్రెంచ్ ఫిల్మ్ ఇన్ ట‌చ్ బుల్స్ ఆధారంగా తెర‌కెక్కించారు. హాలీవుడ్ మూవీస్ ఆధారంగా సినిమాలు తెర‌కెక్కిస్తున్నారు. ఎందుకిలా...అని అడిగితే..ఎవ‌డు సినిమా తీస్తున్న‌ప్పుడు ఫేస్ ఆఫ్ అనే సినిమా ఉంద‌ని నాకు అస‌లు తెలియ‌దు. ఎవ‌డు అనేది ఓ త‌ల్లి ఎమోష‌నల్గా తీసుకున్న నిర్ణ‌యం వ‌ల‌న జ‌రిగే క‌థ‌. అయినా...హాలీవుడ్ మూవీ వ‌ల‌న ఇన్ స్పైయిర్ అయితే త‌ప్పు ఏమిటి..? అని అంటున్నాడు వంశీ. మ‌రి... హాలీవుడ్ మూవీస్ తో ఇన్ స్పైయిర్ అయి ఇక నుంచి కూడా ఇలాగే సినిమాలు తెర‌కెక్కిస్తాడో...లేక సొంత క‌థ‌ల‌తో సినిమాలు తీస్తాడో చూడాలి.