பிரபல சின்னத்திரை நடிகை சென்னையில் தற்கொலை
- IndiaGlitz, [Wednesday,July 18 2018]
கடந்த சில மாதங்களாகவே சின்னத்திரை நடிகர், நடிகைகள் தற்கொலை செய்து கொள்ளும் சம்பவங்கள் அதிகமாகி வரும் நிலையில் இன்று பிரபல சின்னத்திரை நடிகை ஒருவர் சென்னையில் தூக்கு போட்டு தற்கொலை செய்து கொண்டதாக அதிர்ச்சி தகவல் ஒன்று வெளிவந்துள்ளது.
பிரபல தொலைக்காட்சி ஒன்றில் ஒளிபரப்பாகி வரும் 'வம்சம்' உள்பட ஒருசில டிவி தொடர்களில் நடித்து வருபவர் நடிகை பிரியங்கா. இவர் இன்று வளசரவாகத்தில் உள்ள தனது வீட்டில் தூக்கு போட்டு தற்கொலை செய்து கொண்டார்.
பிரியங்கா தற்கொலை செய்து கொண்டதை அவரது பணிப்பெண் முதலில் பார்த்து போலீசில் புகார் அளித்ததாகவும், இதனையடுத்து விரைந்து வந்த போலீசார் பிரியங்கா உடலை பிரேத பரிசோதனைக்கு அனுப்பி வைத்துள்ளதாகவும் தகவல்கள் வெளிவந்துள்ளது. இதுகுறித்து போலீசார் வழக்குப்பதிவு செய்து விசாரணை செய்து வருகின்றனர்.