'వాల్మీకి' విడుద‌ల ఫిక్స్‌
- IndiaGlitz, [Sunday,June 09 2019]
మెగా ప్రిన్స్ వ‌రుణ్ తేజ్ హీరోగా హ‌రీష్ శంకర్.ఎస్ ద‌ర్శ‌క‌త్వంలో రూపొందుతోన్న చిత్రం 'వాల్మీకి'. త‌మిళంలో విజ‌య‌వంత‌మైన 'జిగ‌ర్‌తండా'కు ఇది తెలుగు రీమేక్‌. ద‌ర్శ‌కుడు హ‌రీష్ శంకర్ మ‌న తెలుగు ప్రేక్ష‌కుల నెటివిటీకి త‌గ్గ‌ట్టు క‌థ‌లో మార్పులు చేర్పులు చేసి సినిమాను తెరకెక్కిస్తున్నాడు. త‌మిళంలో బాబీ సింహ పాత్ర‌ను తెలుగులో వ‌రుణ్ తేజ్ చేస్తున్నాడు.
ఇదొక గ్యాంగ్ స్ట‌ర్ పాత్ర. త‌మిళంలో అసిస్టెంట్ డైరెక్ట‌ర్‌గా సిద్ధార్థ్ చేసిన పాత్ర‌లో త‌మిళ హీరో అధ‌ర్వ ముర‌ళి న‌టిస్తున్నాడు. హీరోయిన్‌గా పూజా హెగ్డే న‌టిస్తుంది. త్వ‌ర‌లోనే ఈమె యూనిట్‌తో జాయిన్ అవ‌బోతున్నారు. ఈలోపు వ‌రుణ్ స‌హా ఇత‌ర న‌టీన‌టుల‌పై కీల‌క స‌న్నివేశాల‌ను చిత్రీక‌రిస్తున్నారు. లేటెస్ట్ స‌మాచారం ప్ర‌కారం ఈ సినిమాను సెప్టెంబ‌ర్ 6న విడుద‌ల చేయాల‌ని యూనిట్ భావిస్తుంది.