தல அஜித் நடித்த ‘வலிமை’ படத்தின் மோஷன் போஸ்டர் இன்று மாலை 6 மணிக்கு வெளியாகும் என ஊடகங்களிலும் சமூக வலைதளங்களிலும் செய்திகள் வெளியானதை அடுத்து ‘வலிமை’ மோஷன் போஸ்டர் குறித்த ஹேஷ்டேக், கடந்த மூன்று மணி நேரமாக சமூக வலைதளங்களில் ட்ரெண்டாகி வருகிறது என்பது குறிப்பிடத்தக்கது

இரண்டு வருட காத்திருப்புக்குப் பின் ‘வலிமை’ அப்டேட் வருவதால் அஜித் ரசிகர்கள் மிகுந்த உற்சாகத்தில் உள்ளனர் என்பதும் இன்று விடிய விடிய ‘வலிமை’ ஹேஷ்டேக்கை அவர்கள் டிரெண்டாக்க திட்டமிட்டு இருக்கின்றனர் என்பதும் குறிப்பிடத்தக்கது

இருப்பினும் ‘வலிமை’ படத்தின் படக்குழுவினர் மோஷன் போஸ்டர் வெளியாவதை இன்னும் அதிகாரப்பூர்வமாக அறிவிக்கவில்லை என்பதும் ரசிகர்களுக்கு சர்ப்ரைஸாக முன்னறிவிப்பின்றி இந்த மோஷன் போஸ்டரை வெளியிட அவர்கள் திட்டமிட்டுள்ளதாகவும் கூறப்படுகிறது

இந்த நிலையில் ‘வலிமை’ படத்தின் வில்லனாக நடித்த பிரபல தெலுங்கு நடிகர் கார்த்திகேயா ’இன்று மாலை 6 மணிக்கு சர்ப்ரைஸ் இருக்கு’ என்று டுவிட் ஒன்றை பதிவு செய்துள்ளார். இதனை அடுத்து ‘வலிமை’ மோஷன் போஸ்டர் இன்று வெளியாக இருப்பது கிட்டத்தட்ட உறுதியாகி உள்ளது என்பது குறிப்பிடத்தக்கது.

Surprise at six

— Kartikeya (@ActorKartikeya) July 11, 2021