அஜித் நடித்த ’வலிமை’ திரைப்படம் நாளை ரிலீசாக இருக்கும் நிலையில் இதுவரை எந்த தமிழ் திரைப்படமும் ரிலீஸ் ஆகாத ஸ்க்ரீன்களின் எண்ணிக்கையில் ’வலிமை’ திரைப்படம் ரிலீஸ் ஆக உள்ளதாக தகவல்கள் வெளியாகியுள்ளன.

தமிழகத்தில் முதல் முறையாக ’வலிமை’ திரைப்படம் ஆயிரம் ஸ்க்ரீன்களில் வெளியாக உள்ளதாக படக்குழுவினர் தரப்பில் இருந்து தகவல்கள் வெளியாகி உள்ளன. குறிப்பாக சென்னை மதுரை கோவை போன்ற நகரங்களில் கிட்டத்தட்ட 100 சதவீதம் திரையரங்குகளில் ’வலிமை’ படம் தான் நாளை திரையிடப்படவுள்ளது..

சென்னையின் மிகப்பெரிய மல்டிபிளக்ஸ் திரையரங்க வளாகமான மாயாஜாலில் மட்டும் 70 காட்சிகள் முதல் நாளில் திரையிடப்பட உள்ளன என்பதும் முதல் நாள் காட்சிகள் அனைத்தும் கடந்த 2 நாட்களுக்கு முன்பே முன்பதிவு ஆகி விட்டது என்பதும் குறிப்பிடத்தக்கது .

தமிழகம் மட்டுமின்றி அண்டை மாநிலங்களிலும் உலகின் பல நாடுகளிலும் ஏராளமான திரையரங்களில் ’வலிமை’ திரைப் படத்தை ரிலீஸ் செய்ய திரையரங்கு உரிமையாளர்கள் மிகவும் ஆர்வத்துடன் முன் வந்துள்ளனர் என்று செய்திகள் வெளியாகி உள்ளது. எனவே இதுவரை இல்லாத வகையில் முதல் நாள் வசூல் ’வலிமை’ செய்யும் என்று எதிர்பார்க்கப்படுகிறது.